جے پور: آئی پی ایل 2024 میں آج 38 واں میچ راجستھان بمقابلہ ممبئی انڈینز کے درمیان کھیلا جائے گا۔ راجستھان کے خلاف ممبئی انڈینس کا یہ دوسرا میچ ہوگا۔ اس سے قبل دونوں ٹیموں کے درمیان کھیلے گئے میچ میں راجستھان نے ممبئی کو بری طرح شکست دی تھی۔ جب ممبئی انڈینز کی ٹیم کھیلنے کے لئے میدان میں اترے گی تو ان کا ارادہ اپنی پچھلی شکست کا بدلہ لینے کا ہوگا۔
پوائنٹس ٹیبل میں دونوں ٹیموں کی پوزیشن:
راجستھان نے اس سیزن میں اب تک شاندار کارکردگی کا مظاہرہ کیا ہے۔ اب تک 7 میچ کھیلے جا چکے ہیں جس میں راجستھان نے 6 میچ جیتے ہیں۔ایک میچ میں اسے شکست کا سامنا کرنا پڑا۔راجستھان سات میچوں میں چھ جیت اور ایک ہار کے ساتھ12 پوائنٹ کی بدولت پہلی پوزیشن پرہے۔ ممبئی انڈینز کی بات کریں تو ہاردک پانڈیا کی قیادت والی ٹیم کو 7 میں سے 3 میچوں جیت ملی ہے۔وہ چھ پوائنٹس کے ساتھ لیگ ٹیبل میں ساتویں نمبر پر ہے۔
راجستھان کی طاقت:
راجستھان کے لیے سب سے اہم بات ان کی ٹیم کی مجموعی کارکردگی ہے۔ راجستھان کے اوپننگ بلے باز جوس بٹلر نے ابتدائی میچوں میں رن نہیں بنائے تھے لیکن وہ اس سیزن میں اب تک 2 سنچریاں بنا چکے ہیں۔ یشسوی جیسوال کا فارم یقیناً تشویشناک کا باعث ہے۔ سنجو سیمسن کئی اہم مواقع پر نصف سنچری اننگز بھی کھیل چکے ہیں۔ ریان پراگ نے بھی تیز اننگز کھیل کر ٹیم کو فتح سے ہمکنار کیا ہے۔ تمام الرز بالنگ میں شاندار کارکردگی کا مظاہرہ کر رہے ہیں۔
ممبئی انڈینز کی کمزوری:
ممبئی انڈینز کی ٹیم میں روہت شرما، سوریہ کمار یادیو، ایشان کشن، جسپریت بمراہ جیسے خطرناک کھلاڑی موجود ہیں لیکن ٹیم کی کارکردگی اب تک توقع کے مطابق نہیں رہی ہے۔ گزشتہ میچ میں بھی پنجاب کے خلاف 40 رنوں کے مجموعی اسکور پر پانچ کھلاڑیوں کو آؤٹ کر کے مقابلے کو یکطرفہ کر دیا تھا۔لیکن پنجاب کے بلے بازوں نے میچ کو دلچسپ بنا دیا ایسا لگنے لگا تھا کہ ممبئی یہ میچ ہار جائے گا۔ ممبئی کے تمام بلے بازوں کو فارم میں آنا ہوگا۔
یہ بھی پڑھیں:گجرات ٹائٹنز نے پنجاب کنگز کو تین وکٹوں سے ہرایا - IPL 2024
دونوں ٹیموں کے درمیان آمنے سامنے
اگر ہم راجستھان بمقابلہ ممبئی انڈینس کے درمیان کھیلے گئے میچوں کی بات کریں تو ممبئی کی پوزیشن کافی بہتر ہے۔ دونوں کے درمیان کھیلے گئے 29 میچوں میں سے ممبئی نے 15 اور راجستھان نے 14 میں کامیابی حاصل کی ہے۔ جبکہ ایک میچ میں کوئی نتیجہ نہ نکل سکا۔
