حیدرآباد: بھارتی بیڈمنٹن کھلاڑی پیرس اولمپکس میں ناقص کارکردگی کی وجہ سے مسلسل تنقید کی زد میں ہیں۔ سابق بھارتی بیڈمنٹن اسٹار پرکاش پڈوکون سمیت کئی دیگر کھلاڑی بھارتی شٹلرز کو ان کی ناقص کارکردگی پر تنقید کا نشانہ بھی بنا چکے ہیں۔
پیرس گیمز میں بھارتی بیڈمنٹن کھلاڑیوں کی خراب کارکردگی کی عکاسی کرتے ہوئے نیوز ایجنسی پی ٹی آئی کی ایک رپورٹ میں بھارتی کھلاڑیوں کو ملنے والی حکومتی فنڈنگ پر روشنی ڈالی گئی ہے۔ لیکن بھارتی بیڈمنٹن اسٹار اشونی پونپا نے اس رپورٹ کو جھوٹ قرار دیا ہے۔
How can an article be written without getting facts right? How can this lie be written? Received 1.5 CR each? From whom? For what ? I haven't received this money.
— Ashwini Ponnappa (@P9Ashwini) August 13, 2024
I was not even part of any organisation or TOPS for funding.https://t.co/l7gb1C36Tf @PTI_News
پی ٹی آئی کی ایک رپورٹ میں انکشاف کیا گیا ہے کہ بیڈمنٹن کھلاڑی ایچ ایس پرنائے کو ٹریننگ کے لیے 1.8 کروڑ روپے دیے گئے۔ لیکن وہ پری کوارٹر فائنل میں ہار کر ٹورنامنٹ سے باہر ہوگئے۔ اس کے علاوہ، رپورٹ میں یہ بھی کہا گیا ہے کہ تنیشا کرسٹو اور اشونی پونپا کی جوڑی کو 1.5 کروڑ روپے ملے تھے۔
جس کے بعد اشونی نے پی ٹی آئی کی رپورٹ کو ٹیگ کرتے ہوئے ایکس پر لکھا کہ انہیں کوئی پیسہ نہیں ملا اور انھوں نے یہ سوال بھی داغ دیئے کہ حقائق کو درست کیے بغیر مضمون کیسے لکھا جا سکتا ہے؟ یہ جھوٹ کیسے شائع کیا جا سکتا ہے؟ میں کسی تنظیم یا ٹاپس کا حصہ بھی نہیں تھی۔
انھوں میزد لکھا کہ "میں نے گزشتہ سال نومبر تک ٹورنامنٹس کے لیے خود کو فنڈز فراہم کیے تھے، جس کے بعد مجھے ہندوستانی ٹیم کے ساتھ ٹورنامنٹس کے لیے بھیجا گیا تھا کیونکہ میں انتخاب کے معیار پر پورا اتری تھی۔ مجھے اولمپک گیمز تک پیرس گیمز کے لیے کوالیفائی کرنے کے بعد ہی ٹاپس اسکیم کے حصے کے طور پر شامل کیا گیا تھا۔ انھوں نے دوبارہ لکھا کہ حقائق کی جانچ پڑتال کے بغیر یہ کیسے لکھا جا سکتا ہے؟
واضح رہے کہ یہ پہلا موقع نہیں ہے جب اشونی نے بھارتی بیڈمنٹن کھلاڑیوں کی تنقید پر ردعمل ظاہر کیا ہو۔ اس سے قبل انھوں نے بھارتی شٹلرز کی کارکردگی کے حوالے سے پرکاش پڈوکون کے تبصروں پر ردعمل ظاہر کیا تھا کہ کوچز کو بھی کھلاڑی کی شکست کا ذمہ دار ٹھہرانا چاہیے۔
