نئی دہلی:ہندوستانی ٹیم میں تھاپا (63.5کلو گرام) اور جیسمین (60کلو گرام) کے علاوہ، یوتھ ورلڈ چیمپئن انکوشیتا بورو (66کلو گرام)، موجودہ قومی چیمپئن لکشے چاہر (80کلو گرام)، سنجیت کمار (92کلو گرام)، 2022 ایشین گیمز کے کانسے کا تمغہ جیتنے والے نریندر بروال (+92کلو گرام) اور 2023 ورلڈ چیمپئن شپ کے کانسے کا تمغہ جیتنے والے محمد حسام الدین (57 کلوگرام)، دیپک بھوریہ (51 کلوگرام) اور نشانت دیو (71 کلوگرام) کو بھی شامل کیا گیا ہے کیونکہ وہ اپنے اپنے زمروں میں پیرس 2024 کے کوٹے کے لیے مقابلہ کریں گے۔
رپورٹ کے مطابق کھلاڑیوں کا انتخاب کارکردگی کے مختلف پیرامیٹرز کی بنیاد پر ہائی پرفارمنس یونٹ کی جانب سے جامع تجزیہ کے عمل کے بعد کیا گیا ہے۔
باکسنگ فیڈریشن آف انڈیا کے سکریٹری جنرل ہیمنت کمار کلیتا نے کہا ’’ہمارا مقصد 2024 میں پیرس اولمپک گیمز میں ہندوستان کی شرکت میں اضافہ کرنا ہے اور اس کو حاصل کرنے کے لیے ہم نے پہلے عالمی کوالیفکیشن ٹورنامنٹ کے لئے ایک مکمل اور محتاط انتخاب کا عمل شروع کیا ہے، اعلی کارکردگی ٹیم نے جامع تجزیہ کے عمل اور مکے بازوں کو دیئے گئے پوائنٹس کی بنیاد پر مکے بازوں کا انتخاب کیا۔ ’’ہمارا یقین اور خیال ہے کہ یہ مکے بازوں نہ صرف مقابلہ کرنے کی صلاحیت رکھتے ہیں بلکہ ان میں اولمپکس میں جیتنے اور مطلوبہ مقام حاصل کرنے کی صلاحیت ہے۔
واضح رہے کہ ہندوستان نے پیرس 2024 کے لیے پہلے ہی چار کوٹہ حاصل کر لیا ہے، جس میں نکہت زرین (50 کلوگرام)، پریتی (54 کلوگرام)، پروین ہڈا (57 کلوگرام) اور لولینا بورگوہین (75 کلوگرام) نے ایشین گیمز میں شاندار کارکردگی کے ساتھ اپنی جگہ مضبوط کر لی ہے۔
یہ بھی پڑھیں:فلسطینی بچوں کی مدد کے لیے عثمان خواجہ کا بڑا اعلان
پہلے عالمی کوالیفکیشن ٹورنامنٹ میں 50 اولمپک کوٹہ ہوں گے جن میں خواتین کی 22 کیٹیگری شامل ہیں جبکہ 23 مئی سے 3 جون تک بنکاک میں ہونے والے دوسرے عالمی کوالیفکیشن ٹورنامنٹ کے ذریعے 45 سے 51 مکے باز کوالیفائی کریں گے۔ جو اپنے کانٹینینٹل کوالیفکیشن ٹورنامنٹ یا پہلے عالمی کوالیفکیشن ٹورنامنٹ کے ذریعے کسی مخصوص وزن کے زمرے میں جگہ نہیں بناپائے ہیں وہ فی وزن زمرہ میں ایک ایتھلیٹ میں داخل ہونے کے اہل ہوں گے۔
یو این آئی
