کیلیفورنیا: ہندوستان کے سرویش کشارے نے برائن کلے انویٹیشنل 2024 میں مردوں کی ہائی جمپ ٹائٹل جیت کر اپنے سیزن کی شاندار شروعات کی ہے۔ سرویش نے ہفتہ کو جنوبی کیلیفورنیا کی ازوسا پیسفک یونیورسٹی میں منعقدہ ہائی جمپ مقابلے میں کشارے نے گروپ اے میں 2.19 میٹر کی چھلانگ لگا کر پہلی پوزیشن حاصل کی۔ان کا ذاتی بہترین 2.27 میٹر ہے، جو اس نے 2022 کے آخر میں ریکارڈ بنایا تھا۔ وہ ہانگزو میں ایشین گیمز میں 2.26 میٹر کی کوشش کے ساتھ چوتھے نمبر پر رہے۔
اس مقابلے میں امریکہ کے، کے اے جے میگلوفلن 2.08 میٹر کی چھلانگ لگا کر دوسرے نمبر پر رہے۔تیسرا مقام امریکیوں کاس ڈوبروولسکی، وائٹ تھیل اور کینیڈا کے ایڈن گراؤٹ کے درمیان مشترک تھا، جنہوں نے 2.03 میٹر کی اونچی چھلانگ لگائی۔ ٹوکیو پیرالمپکس کے چاندی کا تمغہ جیتنے والے نشاد کمار بھی کام کاٹن، اسکائی سیکاریلی اور اوون پیننگٹن کے ساتھ 1.98 میٹر کی چھلانگ لگا کر ایونٹ میں مشترکہ چھٹے نمبر پر رہے۔
جبکہ مردوں کے ہائی جمپ ایونٹ کے گروپ بی میں کسی کھلاڑی نے دو میٹر سے زیادہ چھلانگ نہیں لگائی۔ ہائی جمپ کے قومی ریکارڈ ہولڈر تیجسون شنکر کو بھی شامل کیا گیا، لیکن انہوں نے اس ایونٹ میں حصہ نہیں لیا۔
مزید پڑھیں: طیبن نشا: آسام کے لیے تمغہ جیتنے والی پہلی مسلم خاتون ایتھلیٹ
مردوں کے 1500 میٹر میں پرویز خان 3:38.76 کے ذاتی بہترین وقت کے ساتھ 12ویں نمبر پر رہے، جس سے وہ ایونٹ کی تاریخ میں چوتھے تیز ترین ہندوستانی کھلاڑی بن گئے۔ ان کا پچھلا بہترین 3:40.89 تھا۔ 1500 میٹر کی دوڑ امریکہ کے کولن سہلمین نے 3:33.96 کے وقت کے ساتھ جیتی۔ نیتھن گرین 3:34.79 کے ساتھ دوسرے نمبر پر رہے جبکہ کریگ اینگلز نے 3:35.46 کے ساتھ تیسرا مقام حاصل کیا۔
(یو این آئی)
