حیدرآباد: بھارت بمقابلہ بنگلہ دیش کے درمیان کھیلا جانے والا دوسرے ٹیسٹ میچ سے پہلے شکیب الحسن نے بڑا اعلان کیا ہے۔ کانپور میں پریس کانفرنس میں شکیب الحسن نے انٹرنیشنل کرکٹ کے دو فارمیٹ سے ریٹائرمنٹ لینے کا اعلان کیا ہے۔
انہوں نے کہا کہ اگر کرکٹ بورڈ بنگلہ دیش میں جنوبی افریقہ کے خلاف الوداعی ٹیسٹ میچ کھیلنے کی اجازت نہیں دیتا تو بھارت کے خلاف کانپور میں کھیلا جانے والا ٹیسٹ میچ ان کے کیریئر کا آخری ٹیسٹ میچ ہو گا۔
پریس کانفرنس کے دوران شکیب نے مزید کہا کہ میں اپنا آخری ٹیسٹ میچ جنوبی افریقہ کے خلاف میرپور میں کھیلنا چاہتا ہوں اور میں نے کرکٹ بورڈ سے اس کا اظہار بھی کیا ہے، جس پر انہوں نے مجھ سے اتفاق کیا ہے۔ انہوں نے کہا کہ بنگلہ دیش کرکٹ نے مجھے بہت کچھ دیا ہے اور میں اپنے ہوم گراؤنڈ پر اس فارمیٹ میں اپنا آخری ٹیسٹ کھیلنا چاہتا ہوں۔
Bangladesh Tour of India 2024
— Bangladesh Cricket (@BCBtigers) September 26, 2024
India 🆚 Bangladesh | 2nd Test | Kanpur
September 27 - October 01, 2024 | 10:00 AM (BST)#BCB #Cricket #INDvBAN #WTC25 pic.twitter.com/2jOS0knx2B
چونکہ شکیب الحسن پر بنگلہ دیش میں قتل کا کیس درج ہے اس لیے انہوں نے یہ بھی کہا کہ کرکٹ بورڈ ہر چیز کو ترتیب دینے کی کوشش کر رہا ہے تاکہ میں بنگلا دیش جا سکوں، لیکن اس کے باوجود اگر میرا بنگلہ دیش واپس جانا ممکن نہ ہوا تو کانپور میں بھارت کے خلاف دوسرا ٹیسٹ میچ کرکٹ میں میرا آخری میچ ہو گا۔
واضح رہے کہ بنگلہ دیش کی سابق وزیراعظم شیخ حسینہ کے خلاف ہونے والے ملک میں پرتشدد مظاہروں کے دوران شکیب الحسن کو قتل کے ایک مقدمے میں نامزد کیا گیا ہے۔ اس وقت وہ پاکستان کے خلاف ٹیسٹ سیریز کھیل رہے تھے، یہ کیس درج ہونے کے بعد سے شکیب الحسن بنگلہ دیشی ٹیم کے ساتھ تو ہیں اور قومی ٹیم کے لیے کرکٹ بھی کھیل رہے ہیں لیکن وہ ابھی تک اپنے ملک واپس نہیں گئے ہیں۔
قابل ذکر ہے کہ جنوبی افریقہ نے دو ٹیسٹ میچز کی سیریز کے لیے اکتوبر میں بنگلہ دیش کا دورہ کرنا والی ہے، دونوں ٹیموں کے درمیان پہلا ٹیسٹ 21 اور دوسرا ٹیسٹ 29 اکتوبر کو شیڈول ہے۔ اس کے عالوہ شکیب حسن بنگلہ دیش کے لیے کھیلنے والے سب سے معمر کرکٹر ہیں۔ اس کی عمر 37 سال 6 ماہ سے زیادہ ہے۔ انہوں نے حال ہی میں بنگلہ دیش کے رفیق کا ریکارڈ توڑا تھا جو اپنے ملک کے لیے کھیلنے والے سب سے معمر کرکٹر تھے۔
شکیب کے ٹیسٹ کے اعدادوشمار کی بات کریں تو انہوں نے اپنے ملک کے لیے 70 ٹیسٹ کی 108 اننگز میں 4600 رنز بنائے ہیں۔ اس فارمیٹ میں ان کے نام 5 سنچریاں اور 31 نصف سنچریاں ہیں۔ یہی نہیں انہوں نے ڈبل سنچری بھی اسکور کی ہے اور 242 وکٹیں حاصل کی ہیں۔
