نئی دہلی: وراٹ کوہلی اور روہت شرما جیسے لیجنڈز پر مشتمل ہندوستانی ون ڈے ٹیم میں شامل ہونے کی خبر جب ہرشیت رانا کو ملی تو ان کے منہ سے یہ الفاظ نکلے، 'دہلی میں دل ٹوٹ سکتے ہیں، لیکن ہم کبھی حوصلہ نہیں ہارتے۔
Harshit Rana said, " if i have to name 3 people whom i am indebted to in this beautiful journey of mine, then it is my father, for his efforts, my coach and above everyone else, gautam gambhir bhaiya". (pti). pic.twitter.com/gxD1eraJbJ
— Mufaddal Vohra (@mufaddal_vohra) July 19, 2024
دہلی کے 'ساؤتھ ایکسٹینشن' سے تعلق رکھنے والے 22 سالہ تیز گیند باز حشیت نے جونیئر سطح سے ہی سخت محنت کی لیکن اکثر نظر انداز کر دیا گیا۔ لیکن اس آئی پی ایل سیزن میں کولکاتا نائٹ رائیڈرز (کے کے آر) کی فاتح مہم میں 19 وکٹیں لے کر وہ قومی ٹیم میں جگہ بنانے میں کامیاب رہے۔
ہرشیت نے کہاکہ میں سخت محنت کرنے میں یقین رکھتا ہوں لیکن جب بھی مجھے ایجز گروپ کی ٹیم میں نظر انداز کیا جاتا تو میرا دل ٹوٹ جاتا اور اپنے کمرے میں بیٹھ کر روتا۔ میرے والد پردیپ نے کبھی امید نہیں ہاری۔
پی ٹی آئی سے خصوصی بات چیت میں انہوں نے کہا کہ اگر مجھے اب تک کی محنت کے لیے تین لوگوں کا نام لینا ہے تو وہ میرے والد ہوں گے، میرے ذاتی کوچ امیت بھنڈاری صاحب (سابق ہندوستانی اور دہلی کے فاسٹ بولر) اور گوتی بھیا (گوتم) گمبھیر) شامل ہیں۔
یہ بھی پڑھیں:سری لنکا سیریز کے لیے ٹیم انڈیا کا اعلان، سوریہ کمار یادو کو سونپی گئی ٹی ٹوئنٹی ٹیم کی کمان
ہرشیت نے کہاکہ اگر کھیل کی طرف میرا نظریہ بدل گیا ہے، تو اس کا کے کے آر ڈریسنگ روم میں گوتی بھیا(گوتم گمبھیر) کی موجودگی سے بہت کچھ لینا دینا ہے جس نے میری ذہنیت کو بدل دیا۔ اوپری سطح پر آپ کو مہارت کی ضرورت ہوتی ہے لیکن دباؤ سے نمٹنے کے لیے آپ کو مہارت سے زیادہ مضبوط دل کی ضرورت ہوتی ہے۔
