کابل: افغانستان کرکٹ بورڈ (اے سی بی) نے بدھ کے روز بھارت کے سابق فیلڈنگ کوچ رام کرشنن سریدھر کو نیوزی لینڈ کے خلاف آئندہ واحد ٹیسٹ میچ اور جنوبی افریقہ کے خلاف تین ایک روزہ میچوں کی سیریز کے لیے قومی کرکٹ ٹیم کا معان کوچ مقرر کیا ہے۔
واضح رہے کہ افغان ٹیم کے ہیڈ کوچ انگلینڈ کرکٹ ٹیم کے سابق کرکٹر جوناتھن ٹراٹ ہیں لیکن اب سریدھر افغان ٹیم میں ٹراٹ کے معان کوچ کے کردار میں نظر آئیں گے۔ افغانستان کرکٹ بورڈ کے اعلامیے میں کہا گیا ہے کہ 'افغانستان کرکٹ بورڈ نے ہندوستانی رام کرشنن سریدھر کو نیوزی لینڈ کے خلاف آئندہ واحد ٹیسٹ میچ اور جنوبی افریقہ کے خلاف 3 میچوں کی ون ڈے سیریز کے لیے قومی ٹیم کا اسسٹنٹ کوچ مقرر کیا ہے۔
ACB name R. Sridhar as National Team’s Asst. Coach for New Zealand and South Africa Fixtures.
— Afghanistan Cricket Board (@ACBofficials) August 21, 2024
More: https://t.co/B8VZlnB10t pic.twitter.com/nmCuVpCqD9
سریدھر سات سال تک ٹیم انڈیا کے فیلڈنگ کوچ رہے
سریدھر نے اگست 2014 سے نومبر 2021 تک 7 سال سے زائد عرصے تک بھارت کے فیلڈنگ کوچ کے طور پر خدمات انجام دیں۔ بھارت ڈومیسٹک سرکٹ میں 35 فرسٹ کلاس اور 15 لسٹ اے میچ کھیل چکے ہیں۔ سریدھر 300 سے زیادہ بین الاقوامی میچوں میں بھارت کے کوچنگ اسٹاف کے اہم ارکان میں سے ایک تھے۔
اس کے علاوہ انھوں نے انڈین پریمیئر لیگ (آئی پی ایل) میں کنگز الیون پنجاب کے ساتھ 2014 سے 2017 تک اسپن بولنگ کوچ کے طور پر خدمات انجام دیں۔ قابل ذکر بات یہ ہے کہ پنجاب 2014 میں آئی پی ایل کے فائنل میں پہنچی تھی۔
مزید برآں بھارتی انڈر 19 قومی ٹیم کے اسسٹنٹ کوچ اور اسپن بولنگ کوچ کے طور پر بھی خدمات انجام دے چکے ہیں۔ انہوں نے 2008 سے 2014 تک نیشنل کرکٹ اکیڈمی آف انڈیا میں اسسٹنٹ فیلڈنگ اور اسپن بولنگ کوچ کے طور پر خدمات انجام دیں۔
