گیانا (ویسٹ انڈیز): افغانستان کے 183 رنوں کے جواب آئی سی سی ورلڈ کپ میں پہلی مرتبہ کھیلنے والی افریقی ٹیم یوگنڈا 20 اوورز میں 58 رن بنا کر آل آوٹ ہوگئی۔ افغانستان کے بالروں کی خطرناک گیندبازی کے سامنے یوگنڈا کی ٹیم ٹک نہیں سکی اور ورلڈ کپ کے پہلے میچ میں ہی کرارای شکست کا سامنا کرنا پڑا۔
یوگنڈا کی جانب سے رابسن اوبایا 14 رن اور ریاست علی خان 11 رن بنا کر نمایاں اسکورر رہے۔اس کے علاوہ دیگر بلے بازڈبل فیگر پار نہیں کرپائے ۔افغانستان کی جانب سے فضل الحق فاروقی نے چار اوورز میں نو رن دے کر پانچ کھلاڑیوں کو آوٹ کیا۔فاروقی کی ٹی20 میں اب تک سب سے بہترین کارکردگی ہے۔
اس کے علاوہ راشد خان اور نوین الحق کو دو دو جبکہ مجیب الرحمن کو ایک وکٹ ملا۔اس سے قبل گیانا کے کے پروویڈنس اسٹیڈیم میں گروپ سی کے میچ میں یوگنڈا نے ورلڈ کپ کے اپنے پہلے میچ میں افغانستان کے خلاف ٹاس جیت کر بالنگ کا فیصلہ کیا ہے۔
رحمان اللہ گرباز اور ابراہیم زدران کے شاندار آغاز کے بعد یوگنڈا نے شاندار واپسی کرتے ہوئے افغانستان کو 5 وکٹوں پر 183 رنز تک محدود کر دیا۔ ابراہیم زدران نے اپنی 7ویں ٹی ٹوئنٹی نصف سنچری بنائی۔ رحمان اللہ گرباز نے صرف 28 گیندوں پر اپنی نصف سنچری مکمل کی۔ ٹیم نے پہلے وکٹ کے لیے 154 رنز کی شراکت داری کیا۔
یہ بھی پڑھیں:ٹی ٹیوئنٹی ورلڈ کپ میں پیسوں کی بارش ہو گی، آئی سی سی نے انعامی رقم کا اعلان کر دیا
محمد نبی 14 رن اور رشید خان دو رن بنا کر ناٹ آوٹ رہے۔اس کے علاوہ گلب الدین نائب چار رن اور عظمت اللہ عمرزائی پانچ رن بنائے۔یوگنڈا کی جانب سے کوسموس کیوٹا اور برائن مسابا کو دو۔دو جبکہ ایک وکٹ رام جانی کو ملا۔
