حیدرآباد: ٹیم انڈیا کے ہیڈ کوچ کا اعلان کردیا گیا ہے۔ بی سی سی آئی کے سکریٹری جے شاہ نے ایکس پر ایک پوسٹ لکھ کر کے اس کا اعلان کیا ہے۔ جے شاہ نے ایکس پر لکھا کہ بے حد خوشی کے ساتھ میں بھارتی کرکٹ ٹیم کے نئے ہیڈ کوچ کے طور پر غوتم گمبھیر کو خوش آمدید کہتا ہوں۔ جدید دور کی کرکٹ کو گوتم نے قریب سے دیکھا ہے۔ اس لیے مجھے یقین ہے کہ گوتم بھارتی کرکٹ کو آگے بڑھانے کے لیے مثالی شخص ہیں۔
It is with immense pleasure that I welcome Mr @GautamGambhir as the new Head Coach of the Indian Cricket Team. Modern-day cricket has evolved rapidly, and Gautam has witnessed this changing landscape up close. Having endured the grind and excelled in various roles throughout his… pic.twitter.com/bvXyP47kqJ
— Jay Shah (@JayShah) July 9, 2024
واضح رہے کہ بائیں ہاتھ کے سابق بلے باز گوتم گمبھیر اب راہل دراوڈ کی جگہ ٹیم انڈیا کے ہیڈ کوچ کے طور پر ذمہ داریاں سنبھالیں گے اور سری لنکا کے خلاف سیریز ان کی پہلی سیریز ہوگی۔
گوتم گمبھیر نے ایکس پر لکھا کہ بھارت میری پہچان ہے اور اپنے ملک کی خدمت کرنا میری زندگی کا سب سے بڑا اعزاز رہا ہے۔ لیکن میرا مقصد وہی ہے جو ہمیشہ رہا ہے، مین ان بلیو کے کندھوں پر 1.4 بلین بھارتیوں کا خواب ہے اور میں ان خوابوں کو پورا کرنے کے لئے اپنی ہر ممکن کوشش کروں گا!
قابل ذکر ہے کہ گوتم گمبھیر 2007 کے ٹی ٹوئنٹی ورلڈ کپ جیتنے والی بھارتی ٹیم اور 2011 ون ڈے ورلڈ کپ جیتنے والی بھارتی ٹیم کا حصہ تھے۔ دہلی کے سابق بلے باز نے 58 ٹیسٹ، 147 ون ڈے اور 37 ٹی ٹوئنٹی میچ میں بھارت کی نمائندگی کی، جس میں انہوں نے بالترتیب 4154، 5238 اور 932 رنز بنائے۔
گوتم گمبھیر انڈین پریمیئر لیگ میں فرنچائز کولکتہ نائٹ رائیڈرز کے مینٹور تھے اور شریاس ائیر کی قیادت والی اس ٹیم نے آئی پی ایل 2024 کا ٹائیٹل بھی جیتا تھا۔ انھوں نے آئی پی ایل کی ٹیم لکھنؤ سپر جائنٹس کی بھی کوچنگ کی تھی۔
