حیدرآباد: بھارت میں ہر سال 15 ستمبر کو انجینیئر ڈے کے طور پر منایا جاتا ہے۔ اسی تاریخ کو بھارت کے عظیم انجینیئر اور بھارت رتن موکشگنڈم وشویشورایا کا جنم ہوا تھا۔ جن کے یاد میں 15 ستمبر کو انجینیئر ڈے منایا جاتا ہے۔
موکشگنڈم وشویشورایا جسے جدید میسور ریاست کے موجد کے طور پر جانا جاتا ہے، نے جدید ہندوستان کی تخلیق کی اور ملک کو ایک نئی سمت دی۔ انہوں نے انجینئرنگ کے میدان میں غیر معمولی خدمات انجام دی ہیں۔ جسے کوئی بھول نہیں سکتا۔
وشویشورایا نے ملک بھر میں بنائے گئے بہت سے دریا کے ڈیموں اور پلوں کی کامیابی میں اہم کردار ادا کیا ہے۔ ان کی وجہ سے ملک میں پانی کا مسئلہ کافی حد تک حل ہوا۔ 1968 میں ڈاکٹر موکشگنڈم وشویشورایا کی تاریخ پیدائش کو حکومت ہند نے 'انجینئر ڈے' قرار دیا ہے۔ اس کے بعد سے ہر سال 15 ستمبر کو انجینئرز ڈے منایا جاتا ہے۔
قابل ذکر ہے کہ انجینئرز ڈے نہ صرف بھارت میں بلکہ دنیا کے دیگر ممالک میں بھی منایا جاتا ہے۔ مثال کے طور پر ارجنٹینا میں 16 جون، اٹلی میں 15 جون، بنگلہ دیش میں 7 مئی، ترکیہ میں 5 دسمبر، ایران میں 24 فروری، بیلجیئم میں 20 مارچ اور رومانیہ میں 14 ستمبر کو انجینئرز ڈے منایا جاتا ہے۔
دراصل یہ دن پوری دنیا کے انجینئرز کی حوصلہ افزائی کے لیے منایا جاتا ہے، تاکہ وہ اپنی صلاحیتوں سے ملک اور دنیا کو ترقی کی نئی راہ پر گامزن کر سکیں۔ لیکن کھیلوں کی دنیا میں بالخصوص کرکٹ میں بہت سے کھلاڑی ایسے ہیں جنہوں نے انجینئرنگ کی ڈگریاں حاصل کر رکھی ہیں۔
سری نواس وینکٹاراگھون:
ہندوستانی کرکٹ ٹیم کے سابق آف بریک باؤلر سری نواس وینکٹاراگھون نے اپنی انجینئرنگ کی ڈگری کالج آف انجینئرنگ، گنڈی، چنئی سے مکمل کی تھی۔
ای اے ایس پرسنا:
سابق ہندوستانی آف اسپنر ای اے ایس پرسنا کے بارے میں کہا جاتا ہے کہ وہ پہلے شخص ہیں جو انجینئر سے کرکٹر بنے ہیں۔ انہوں نے نیشنل انسٹی ٹیوٹ آف انجینئرنگ، میسور سے انجینئرنگ کی ڈگری حاصل کی ہے۔
کے سری کانت:
کرشنماچاری سری کانت 80 کی دہائی کے وسط میں ہندوستان کے جارحانہ اوپننگ بلے باز نے چنئی کے گوئنڈی کے کالج سے الیکٹریکل انجینئرنگ میں گریجویشن کیا۔
انل کمبلے:
عظیم ہندوستانی لیگ اسپنر اور ہندوستانی کرکٹ ٹیم کے سابق کوچ انل کمبلے بھی انجینئرنگ میں گریجویٹ ہیں۔ انہوں نے راشٹریہ ودیالیہ کالج آف انجینئرنگ سے مکینیکل انجینئرنگ میں گریجویشن مکمل کیا ہے۔
جاوگل سری ناتھ:
آئی سی سی کرکٹ ورلڈ کپ کی تاریخ میں ہندوستان کے لیے مشترکہ طور پر سب سے زیادہ وکٹیں لینے والے جواگل سری ناتھ نے میسور کے سری جے چماراجندرا کالج آف انجینئرنگ (SJCE) سے انسٹرومینٹل ٹیکنالوجی میں انجینئرنگ کی ڈگری مکمل کی ہے۔
روی چندرن اشون:
ہندوستانی کرکٹ کے اسٹار اسپنر روی چندرن اشون نے انفارمیشن ٹیکنالوجی میں بی ٹیک کی ڈگری حاصل کی ہے۔ اشون اب بھی ہندوستانی ٹیم میں کھیل رہے ہیں۔ وہ ٹیسٹ میں ٹیم کے اہم اسپنر ہیں۔
شیکھا پانڈے:
ہندوستانی خاتون کرکٹر شیکھا پانڈے ہندوستانی خواتین کرکٹ کی تیز ترین گیند بازوں میں سے ایک ہیں۔ 35 سالہ کھلاڑی 100 سے زائد میچوں میں بھارت کی نمائندگی کر چکی ہیں۔ شیکھا پانڈے نے گوا کالج آف انجینئرنگ سے الیکٹرانکس اور الیکٹریکل انجینئرنگ میں بیچلر کی ڈگری حاصل کی ہے اور فی الحال وہ ہندوستانی فضائیہ میں خدمات انجام دے رہی ہیں۔
آکاش مدھوال:
آکاش مدھوال آئی پی ایل 2023 میں ممبئی انڈینز کے اہم بولر تھے۔ انہوں نے 2016 میں کالج آف انجینئرنگ، روڑکی سے سول انجینئرنگ میں گریجویشن کیا۔
