نئی دہلی: بھارت کی اسٹار ریسلر ونیش پھوگاٹ نے گزشتہ بدھ کو پیرس اولمپکس 2024 میں 50 کلوگرام زمرے میں سونے کے تمغے کے مقابلے سے قبل 100 گرام زیادہ وزن کی وجہ سے نااہل قرار دیے جانے کے بعد جمعرات کی صبح ریٹائرمنٹ کا اعلان کردیا۔
پیرس اولمپکس میں دل دہلا دینے والے فیصلے کے بعد 29 سالہ ونیش نے سوشل میڈیا پر ایک جذباتی پوسٹ کے ذریعے ریسلنگ سے ریٹائرمنٹ کا اعلان کیا۔ ونیش نے اپنے ایکس اکاؤنٹ پر لکھاکہ ماں، کشتی جیت گئی، میں ہار گئی۔ مجھے معاف کر دو، تمہارے خواب اور میری ہمت، سب کچھ ٹوٹ گیا۔ اس پوسٹ میں ونیش نے مزید لکھاکہ اب مجھ میں طاقت نہیں ہے۔ ریسلنگ کو الوداع۔ میں آپ سب کی مقروض رہوں گی۔ مجھے معاف کر دو۔
विनेश आप हारी नही हराया गया हैं, हमारे लिए सदैव आप विजेता ही रहेगी आप भारत की बेटी के साथ साथ भारत का अभिमान भी हो 🫡😭 https://t.co/oRTCPWw6tj
— Bajrang Punia 🇮🇳 (@BajrangPunia) August 8, 2024
اولمپک میں کانسے کا تمغہ جیتنے والے پہلوان ساکشی ملک اور بجرنگ پونیا نے پیرس اولمپکس 2024 میں دل دہلا دینے والی نااہلی کے بعد ونیش کے ریٹائر ہونے کے فیصلے پر غم کا اظہار کیا ہے۔ونیش کے ریٹائرمنٹ کے فیصلے پر ردعمل دیتے ہوئے بجرنگ پونیا نے کہا کہ ونیش، تم ہاری نہیں ہو، بلکہ ہرائی گئی ہو، تم ہمیشہ ہمارے لیے فاتح رہو گی، تم بھارت کی بیٹی ہو اور بھارت کا فخر ہو۔
विनेश तुम नहीं हारी हर वो बेटी हारी है जिनके लिए तुम लड़ी और जीती।
— Sakshee Malikkh (@SakshiMalik) August 8, 2024
ये पूरे भारत देश की हार है 😭
देश तुम्हारे साथ है। खिलाड़ी के तौर पे उनके संघर्ष और जज्बे को सलाम 🙏🫡@Phogat_Vinesh https://t.co/8W5MpdYUvD
خاتون پہلوان ساکشی نے بھی ونیش کے ریٹائرمنٹ پر ردعمل ظاہر کیا اور ونیش کی حوصلہ افزائی کی اور اس کے جذبے کو سلام کیا۔ ساکشی نے ایکس پر پوسٹ کیا کہ ونیش، تم نہیں ہاری، ہر وہ بیٹی جس کے لیے تم نے لڑی اور جیتی وہ ہاری ہے۔ یہ پورے بھارت کی شکست ہے۔ ملک آپ کے ساتھ ہے۔ بطور کھلاڑی ان کی جدوجہد اور جذبے کو سلام۔
ان کھلاڑیوں کے علاوہ ونیش کی بہنیں سنگیتا پھوگاٹ اور ریتو پھوگاٹ نے بھی ایکس پر پوسٹ کرکے اپنی بہن کا حوصلہ بڑھایا ہے۔ سنگیتا پھوگاٹ نے کہا کہ بچپن سے ہی ہم نے دیکھا ہے کہ ونیش ہر صحیح چیز کے لیے لڑتی ہے اور ہر ہار کے بعد اٹھ کر دوبارہ لڑتی ہے! آج ہم بھی آپ کی حوصلہ افزائی نہیں کر سکتے کیونکہ آپ کے فیصلے نے ہمیں اندر تک جھنجھوڑ دیا ہے۔ آپ ایک عظیم کھلاڑی ہو''۔
आपका ये संघर्षपूर्ण कुश्ती का सफ़र और चुनौतियाँ सदियों तक याद रखी जायेगी !!
— Ritu phogat (@PhogatRitu) August 8, 2024
आपका का नाम इतिहास में स्वर्ण अक्षर से लिखा जायेगा आप करोड़ों लड़कियों की प्रेरणा हो उम्मीद हो जीत हो।
हमे आप पर गर्व है 💪🇮🇳💪#विनेश_फोगाट #VineshPhogat #Retirement https://t.co/9YwDvG6j62
ریتو پھوگاٹ نے کہا، 'آپ کے کشتی کا جدوجہد اور چیلنجز صدیوں تک یاد رکھا جائے گا! آپ کا نام تاریخ میں سنہری حروف سے لکھا جائے گا۔ آپ لاکھوں لڑکیوں کی تحریک، امید اور جیت ہیں۔ ہمیں تم پر فخر ہے'۔ واضح رہے کہ ہریانہ کے اس پہلوان کے پاس دولت مشترکہ کھیلوں میں 3 طلائی تمغے، دو عالمی چیمپئن شپ میں کانسے کے تمغے اور ایک ایشیائی کھیلوں کا طلائی تمغہ ہے۔ انہیں 2021 میں ایشین چیمپئن کا تاج بھی پہنایا گیا۔
یہ بھی پڑھیں:
'ماں میں ہار گئی۔۔۔' پیرس اولمپک میں گولڈ کا خواب ٹوٹنے کے بعد ونیش پھوگاٹ نے کشتی کو الوداع کہا
