میلبورن:الکاراز کو پورے میچ میں ایک بھی بریک پوائنٹ کا سامنا نہیں کرنا پڑا اور انہوں نے پہلے سرو پوائنٹ کے 21 میں 18 پوائنٹس حاصل کرلئے۔شانگ 1938 کے بعد سے کسی گرینڈ سلیم کے آخری 16 میں پہنچنے والے پہلے چینی کھلاڑی بننے کے خواہاں تھے، لیکن وہ اپنے پہلے دو میچوں میں نو سیٹ کھیلنے کے بعد اپنی اوپری دائیں ران پر پٹی باندھ کر راڈ لاور ایرینا میں چلے گئے۔
دوسرے سیٹ کے دوران لگنے والی چوٹ کا بھی انہوں نے علاج کروایا۔ اس سے کبھی کبھی شانگ کی رفتار میں رکاوٹ آتی تھی اور الکاراز نے اسے ایک کونے سے دوسرے کونے تک جانے پر مجبور کرکے اس کا فائدہ اٹھایا۔
میچ کے 66 منٹ بعد جب 18 سالہ شانگ ریٹائر ہوئے تو اسپینی کھلاڑی 6-1، 6-1، 1-0 سے آگے تھے۔ ان کا اگلا مقابلہ میومیر کیکمانووک سے ہوگا، جنہوں نے گزشتہ سال کے سیمی فائنلسٹ ٹومی پال کو 6-4، 3-6، 2-6، 7-6(7)، 6-0 سے شکست دی تھی۔
یہ بھی پڑھیں:رام مندر افتتاحی تقریب میں شرکت کے لیے کن کن کرکٹرز کو مدعو کیا گیا؟
امریکی پال مارگریٹ کورٹ ایرینا میں ایک کے مقابلے دو سیٹوں سے آگے تھے اور چوتھے سیٹ کے ٹائی بریک میں ان کے پاس میچ پوائنٹ تھا، لیکن کیکمانووک نے برابری کرلی اورپھر جیت کے لئے فیصلہ کن سیٹ پارکرلیا۔الکاراز اس پندرہ دن میں نوواک جوکووچ سے نمبر ون رینکنگ دوبارہ حاصل کرنے کی کوشش کریں گے اگر وہ آسٹریلین اوپن کے فائنل میں ملتے ہیں۔
یواین آئی
