نیویارک: ناساؤ کاؤنٹی انٹرنیشنل کرکٹ اسٹیڈیم میں کھیلے گئے میچ میچ ہندوستان نے امریکہ کو سات وکٹوں سے شکست دے دی ۔ اس جیت کے بعد ہندوستانی ٹیم سپر-8 مرحلے کے لیے کوالیفائی کر چکی ہے۔ اس میچ میں امپائر نے امریکہ کے خلاف اسٹاپ کلاک رول استعمال کیا۔
اس کے ساتھ ہی امریکہ ٹی20 بین الاقوامی کرکٹ میں کھیل کی رفتار کو تیز کرنے کے لیے بنائے گئے نئے اسٹاپ کلاک قوانین کے تحت سزا پانے والی پہلی ٹیم بن گئی۔
غور طلب ہے کہ آئی سی سی نے اگلا اوور وقت پر شروع نہ کرنے پر امریکہ کی سرزنش کی تھی اور جرمانے کے طور پر مخالف ٹیم انڈیا کو 5 اضافی رنز دیے گئے تھے۔ یہ اصول یکم جون سے مردوں کے ون ڈے اور ٹی 20 میں مستقل اصول بن گیا ہے۔
گزشتہ روز کھیلے گئے اس اہم میچ میں ہندوستانی ٹیم کو آخری پانچ اووروں میں 35 رن درکار تھے جو کہ مشکل بیٹنگ پچ پر ایک مشکل کام تھا۔ 16ویں اوور وقت پر شروع نہ ہونے کی وجہ سے اسٹاپ کلاک کا اصول نافذ ہوا۔ امپائرز نے فوری طور پر امریکہ پر پانچ رنوں کا جرمانہ عائد کیا جس سے ہندوستان کا ہدف 30 گیندوں میں 30 رن ہو گیا۔
یہ تیسرا موقع تھا جب امریکہ نے وقت پر اوور شروع نہیں کر سکا۔امپائرز نے امریکہ کی کرکٹ ٹیم کے کپتان ایرون جونز کو جرمانے کی وضاحت کی۔ اس کے بعد یو ایس اے ٹیم کو جرمانہ قبول کرنا پڑا اور کھیل جاری رکھنا پڑا۔
اسٹاپ کلاک کا اصول کیا ہے؟
اسٹاپ کلاک متعارف کرانے کا مقصد اوور ریٹ کو بہتر بنانا ہے۔ اس اصول کے مطابق فیلڈنگ ٹیم کو اگلے اوور کا آغاز پچھلے اوور کے اختتام کے 60 سیکنڈ کے اندر کرنا ہوگا۔ اگر وہ ایک اننگز میں تین بار ایسا کرنے میں ناکام رہتے ہیں تو،پانچ رنز کا جرمانہ عائد کیا جاتا ہے اور رنز ان کے مخالف کو دیئے جاتے ہیں۔
یہ بھی پڑھیں: آئی سی سی ٹی ٹوئنٹی رینکنگ میں سوریا ٹاپ پوزیشن پر برقرار، محمد نبی نمبر ون آل راونڈر
ہندوستان نے پنالٹی کا فائدہ اٹھایا اور اپنے مڈل آرڈر بلے بازوں کی اہم شراکت کی بدولت 10 گیندیں باقی رہ کر سات وکٹوں سے میچ جیت لیا۔ اس جیت نے ہندوستان کو تین میچوں میں تین جیت کے ساتھ سپر 8 میں جگہ دے دی ہے جس نے ٹورنامنٹ میں اپنا دبدبہ دکھایا ہے۔
