سرینگر: جموں کشمیر میں اسمبلی انتخابات کے دوسرے مرحلے کے تحت آج صبح سات بجے سے ووٹنگ کا عمل شروع ہوا۔ سرینگر کے سونہ وار علاقے میں عمر عبداللہ اور ڈاکٹر فاروق عبداللہ نے ووٹ ڈالا اور میڈیا نمائندوں کے ساتھ بات چیت کی۔ عمر عبداللہ نے مرکزی سرکار کو آڑے ہاتھوں لیتے ہوئے کہا: ’’ووٹنگ عمل میں عوام کی بھارتی تعداد میں شرکت کو مرکزی سرکار اپنے کھاتے میں ڈال رہی ہے، حالانکہ اس کا پورا کریڈٹ عوام کو جاتا ہے۔‘‘
عمر عبداللہ نے کہا: ’’گزشتہ برسوں کے دوران جموں کشمیر کے لوگوں کو بے اختار کرنے کی ہر ممکن کوشش کی گئی اور اس کے باوجود لوگ آج ووٹ ڈالنے کے عمل میں شریک ہو رہے ہیں، جس کے لیے لوگ مبارکبادی کے حقدار ہیں۔‘‘
یہ بھی پڑھیں: غیر ملکی سفارتکار آج سرینگر پہنچ کر جموں کشمیر اسمبلی انتخابات کا جائزہ لیں گے - Foreign Diplomats Srinagar Visit
