جموں میں نوجوان پر تیز دھار والے ہتھیار سے حملہ ، دو ملزمان گرفتار:پولیس

Stabbing Incident Jammu ہفتے کے روز بری برہمنہ جموں علاقے میں پولیس وردی میں ملبوس دو بدمعاشوں نے ایک نوجوان پر تیز دھار والے ہتھیار سے حملہ کیا۔ اس حملے میں نوجوان زخمی ہوا ہے۔

جموں: جموں کے بری برہمنہ علاقے میں نوجوان پر تیز دھار والے ہتھیار سے حملہ کیا گیا جس کے نتیجے میں وہ شدید طور پر زخمی ہوا ہے۔
معلوم ہوا ہے کہ بد معاشوں نے نوجوان کی قیمتی اشیاء لوٹ کر راہ فرار اختیار کرنے کی کوشش کی، تاہم ملزمان کو دھر دبوچ کر سلاخوں کے پیچھے دھکیل دیا گیا۔

• BARI BRAHMANA POLICE ACHIEVED MAJOR SUCCESS BY ARRESTING TWO ACCUSED OF SNATCHING AND STABBING INCIDENT@ZPHQJammu @JmuKmrPolice pic.twitter.com/EuUfgsfgQ8

  — District Police Samba (@sambapolice) February 10, 2024

جموں میں ایک پریس کانفرنس کے دوران پولیس کے ایک سینیئر آفیسر نے بتایا کہ ہفتے کے روز بری برہمنہ علاقے میں پولیس وردی میں ملبوس دو بدمعاشوں نے زور زبردستی سے ایک نوجوان کو پکڑ کر اس سے پولیس اسٹیشن لیجانے کے بارے میں کہا جس پر نوجوان کو شک ہوا اور اس نے شور مچایا۔

پولیس آفیسر نے بتایا کہ نوجوان کی جانب سے شور مچانے کے بعد بدمعاشوں نے اس پر تیز دھار والے ہتھیار سے حملہ کرکے قیمتی اشیاءلوٹ کر نو دو گیارہ ہوئے۔

انہوں نے بتایا کہ پولیس اسٹیشن میں معاملہ درج ہونے کے بعد ایس ڈی پی او کی سربراہی میں ایک کمیٹی تشکیل دی گئی اور تین گھنٹے کے اندر اندر دونوں ملزمان کو دھر دبو چا گیا۔ملزمان کی شناخت بچن لال اورلولی کمار پسران جنک راج ساکن سمالپور برہ برہمنہ کے بطور ہوئی ہے۔پولیس کاکہنا ہے کہ دونوں بد نام زمانہ بد معاش ہے اور ان کی گرفتاری سے علاقے کے لوگوں نے راحت کی سانس لی ہے۔
(یو این آئی)