وادی کشمیر میں درجہ حرارت میں اضافے کے ساتھ ہی جہاں لوگ سیاحتی مقامات کا رخ کرنے لگے ہیں اور قدرت کے حسین نظاروں سے لطف اندوز ہو رہے ہیں وہیں جنوبی کشمیر کے پلوامہ ضلع کا گجر سرن لام نامی سیاحتی مقام ان دنوں سیاحوں کی دلچسپی کا مرکز بنا ہوا ہے اور نہ صرف ترال بلکہ وادی کے دور دراز مقامات سے لوگ آکر یہاں کے بہتے آبشاروں، بلند قامت پہاڑیوں اور سرسبز و شاداب جنگلات کی حسن و خوبصورتی میں کھو جاتے ہیں۔
مقامی لوگوں کے مطابق ترال ٹاون سے پندرہ کلومیٹر دور گجر سرن نامی یہ سیاحتی مقام گزشتہ کئ برسوں سے بڑی تعداد میں سیاحوں کو اپنی طرف متوجہ کر رہا ہے جسکی وجہ سے یہاں کے روزگار اور اقتصادیات کو فروغ ملنے کے امکانات روشن ہو گئے ہیں تاہم لام۔ سے یہاں آنے والا راستہ خستہ حالی کا شکار ہے جسکی وجہ سے آنے والے سیاحوں کو دقتوں کا سامنا کرنا پڑتا ہے جبکہ علاقے میں سیاحت کے بنیادی ڈھانچے کی عدم۔ دستیابی بھی سیاحوں کے لیے رکاوٹ بنی ہوئی ہے۔
مقامی لوگوں نے بتایا کہ گجر سرن لام کے علاقے کو اب تک سرکار نے نظر انداز کیا ہے اور اگر یہاں بنیادی ڈھانچے کی طرف توجہ دی جائے تو یہاں کے لوگوں کی تقدیر بدل سکتی ہے۔
یہاں سیر کو آنے والے سیاحوں نے ای ٹی وی بھارت کو بتایا کہ علاقے کی خوبصورتی قابل داد ہے اور یہاں آکر انسان پہلگام اور دیگر مقامات کو کچھ لمحے کےلیے بھول جاتا ہے تاہم یہاں ہٹس کی عدم۔ دستیابی، سڑک کی خستہ ہالی اور دیگر بنیادی چیزوں کا فقدان سیاحوں کو مایوس کر رہا ہے لیکن اگر اس علاقے کی طرف توجہ دی جاتی تو یہاں نہ صرف سیاحت کو فروغ مل سکتا ہے بلکہ یہاں روزگار کے وسائل بھی پیدا ہوں گے
مزید پڑھیں:ساوجیاں کا خوبصورت سیاحتی مقام رنگاواڑ انتظامیہ کی عدم توجہی کا شکار - Beautiful Tourist Spot Of Sawjian
اے ڈی سی ترال ساجد یحی نقاش نے ای ٹی وی بھارت کو بتایا کہ ترال میں موجود تمام سیاحتی مقامات کی عظمت رفتہ بحال کرنے کے لیے انتظامیہ وعدہ بند ہے اور گجر سرن ترال نامی سیاحتی مقام کو بھی ترقی دی جا رہی ہے تاکہ علاقہ میں سیاحت کو فروغ دیا جائے
