سرینگر: جموں و کشمیر فیس فکسیشن اینڈ ریگولیشن کمیٹی (ایف ایف آر سی) نے سری ینگر کے ایک نجی اسکول پر احکامات کی تعمیل نہ کرنے پر 9.60 لاکھ روپے کا جرمانہ عائد کیا ہے اور دس روز کے اندر مذکورہ اسکول انتظامیہ کو یہ جرمانہ ادا کرنے کی ہدایت کی گئی ہے۔ ایف ایف آر سی کی جانب سے جاری کردہ ایک حکمنامے میں کہا گیا ہے کہ رواں برس 20 مئی کو منٹو سرکل انگلش میڈیم سینئر سیکنڈری اسکول، آلوچی باغ، سرینگر کے اسکول انتظامیہ پر 3.20 لاکھ روپے کا جرمانہ عائد کیا گیا۔
اس میں یہ بھی کہا گیا کہ یہ جرمانہ ایف آیف آر سی کی جانب سے مقرر کردہ فیس سے زائد رقم کی وصولی بنا پر اسکول انتظامیہ پر عائد کیا گیا ہے۔ ایف ایف آر سی نے کہا کہ یہ مزید ہدایت کی گئی ہے کہ اسکول کا انتظام ایک منتظم کے ہاتھ میں لیا جائے جس کے لیے محکمۂ تعلیم کے انتظامی محکمے کو حکم دینا ضروری تھا۔ حکم نامے کے مطابق مذکورہ اسکول انتظامیہ پہلے ہی 3.20 لاکھ جرمانہ ادا کرنے میں ناکام ہوچکا ہے۔ لہٰذا دوسری مرتبہ ڈیفالٹ کا ارتکاب کرنا، جس میں پچھلے سال کی آمدنی کا 3 فیصد جرمانہ عائد ہوتا ہے۔ اس کے پیش نظر اسکول انتظامیہ کو 10 دنوں کے اندر 9.60 لاکھ روپے ادا کرنے کی ہدایت کی گئی ہے۔
کمیٹی نے مزید کہا کہ رقم فیس فکسیشن اینڈ ریگولیشن کمیٹی آف پرائیویٹ اسکولز، جے اینڈ کے (ایف ایف آر سی) کے کھاتے میں جمع کرائی جائے گی۔ ایسے میں اگر اسکول انتظامیہ اس حکم کی تعمیل کرنے میں ناکام رہتی ہے تو یہ معاملہ ریگولیشن 12 ذیلی شق (i) کے لحاظ سے زمینی محصول کے بقایا کے طور پر اس رقم کی وصولی کے لیے تحصیلدار ریکوری، سری نگر کو بھیجا جائے گا۔ کمیٹی نے مزید کہا کہ سیکشن 20 سی ذیلی شق (3) کے تحت یہ حق محفوظ رکھتی ہے کہ وہ تعزیرات ہند کی دفعہ 188 کے تحت مقدمہ کے اندراج کے لیے تفتیشی ایجنسی کو بھیجے۔
یہ بھی پڑھیں:
