بارہمولہ: شمالی کشمیر کے کپواڑہ ضلع میں ہندواڑہ کے لنگیٹ علاقے میں بدھ کی صبح ایک مشتبہ دھماکہ خیز چیز کا پتہ چلا اور اسے تباہ کر دیا گیا۔حکام نے بتایا کہ فوج کی مقامی راشٹریہ رائفلز کے ساتھ پولیس کی ایک مشترکہ ٹیم نے بارہمولہ-ہندواڑہ روڈ پر ایک مشتبہ دھماکہ خیز اشیا کا پتہ لگایا۔
دھماکہ خیز مواد کا پتہ لگنے کے فوراً بعد بم ڈسپوزل اسکواڈ (BDS) کو جائے وقوع پر بلایا گیا۔ اسکواڈ نے موقعے پر پہنچ کر آبجیکٹ کو تباہ کر دیا۔ اس دوران عوامی نقل و حرکت کے لیے ٹریفک کو روک دیا گیا اور بم ناکارہ بنائے جانے کے بعد ٹریفک بحال کر دی گئی۔
گذشتہ روز بھی شمالی کشمیر کے بارہمولہ ضلع کے پلہالن علاقے میں فورسز کے مشترکہ آپریشن میں ایک دیسی ساخت کی دھماکہ خیز ڈیوائس (آئی ای ڈی) کا پتہ لگایا گیا۔ بعد ازاں ایک بم ڈسپوزل اسکواڈ نے اسے ناکارہ بنا دیا۔
مزید پڑھیں: اونتی پورہ میں دو منشیات فروش گرفتار
حکام نے اس واقعے پر رد عمل دیتے ہوئے کہا کہ آئی ای ڈی بروقت برآمد ہونے سے بڑا سانحہ ٹل گیا۔ حکام نے بتایا کہ جموں و کشمیر پولیس کی ایک مشترکہ ٹیم نے فوج، سی آر پی ایف اور ایس ایس بی بٹالین کے ساتھ بارہمولہ کے پٹن کے پلہالن میں سری نگر-بارہمولہ قومی شاہراہ پر ایک آئی ای ڈی کا پتہ لگایا۔
