بارہمولہ (جموں کشمیر) : شیر کشمیر یونیورسٹی آف ایگریکلچر سائنس اینڈ ٹیکنالوجی (زرعی یونیورسٹی) SKUAST نے ڈاک بنگلوو سوپور میں سیب کی کاشت سے وابستہ باغبانوں کے لیے لئے آگاہی پروگرام کا انعقاد کیس جس میں فروٹ بورر نامی جراثیم کے بارے میں انہیں آگاہ کیا گیا۔ زرعی یونیورسٹی کے ماہرین نے کسانوں کو فروٹ بورر نامی کیڑے کی حیاتیات، پھیلاؤ کے طریقہ کار اور اس کے سد بات سے آگاہ کیا۔
آگاہی پروگرام کے دوران ڈاکٹر برکت حسین، چیف سائنسٹ، زرعی یونیورسٹی نے جراثیم کے مختلف پہلوؤں بشمول اس کی حیاتیات، پھیلاؤ اور جراثیم کش ادویات کے چھڑکاؤ کے متعلق تفصیلی پریزنٹیشن پیش کی۔ انہوں نے سیب کے مختلف کیڑے مکوڑوں کے انتظام میں فیرومون ٹیکنالوجی کی اہمیت پر بھی روشنی ڈالی۔ علاوہ ازیں ڈاکٹر سجاد حسین، سینئر سائنٹسٹ اینٹومولوجی نے Apple Blotch Leaf miner کے بارے کسانوں کو جامع معلومات فراہم کی۔
مزید پڑھیں: سیب کی پیکنگ کے لیے گتے کے باکسز مؤثر
تقریب کے دوران باغبانوں اور زرعی یونیورسٹی کے سائنس دانوں کے مابین مختلف پہلوؤں پر بات چیت بھی ہوئی۔ شکیل الرحمان، ڈسٹرکٹ سبجیکٹ میٹر سپیشلسٹ، بارہمولہ نے ضلع بارہمولہ میں ایپل فروٹ بورر کو کنٹرول میں رکھنے میں SKUAST-K کے کردار کی ستائش کی اور کسانوں پر زور دیا کہ وہ زرعی یونیورسٹی کی جانب سے جاری کردہ ایڈوائزری پر عمل کریں۔ جبکہ فروٹ گروور ایسوسی ایشن، سوپور، کے صدر نے کسانوں پر زور دیا کہ وہ جعلی کھاد اور جراثیم کش ادویات کی خرید اور استعمال سے گریز کریں۔
