اننت ناگ: جنوبی کشمیر کے ضلع اننت ناگ کے تھجی وارہ، بجبہاڑہ علاقے میں بھی ہر سال کی طرح امسال بھی رکشا بندھن کے موقع پر ایک بڑی تقریب کا انعقاد کیا گیا۔ اس تقریب میں کشمیری پنڈتوں کی خاصی تعداد نے شرکت کی۔ تقریب میں خصوصی بھجن، پوجا اور ہون کا اہتمام کیا گیا، جس میں درجنوں شردھالوؤں نے شرکت کی۔ اس موقع پر شردھالوؤں کے لیے خصوصی لنگر کا انتظام بھی کیا گیا تھا۔
میڈیا نمائندوں کے ساتھ بات کرتے ہوئے کشمیری پنڈتوں نے بتایا کہ ’’تھجی وارہ کشمیری ہندوؤں کے لیے مذہبی اہمیت کا حامل ایک تاریخی قصبہ ہے، کیونکہ یہاں ماتا پاروتی اور بھگوان شیو کا پہلا مسکن رہا ہے اور ماتا پاروتی نے یہاں کافی تپسیا کی ہے۔ اسی لیے اس مقام کو چھوٹے امرناتھ کا درجہ حاصل ہے۔ جو یاتری پہلگام جانے کی استطاعت نہیں رکھتے، وہ یہاں آکر ہی امرناتھ کے درشن کر سکتے ہیں۔‘‘
کشمیری پنڈتوں نے مقامی مسلمانوں اور دیگر مذاہب سے تعلق رکھنے والے افراد کا بھی شکریہ ادا کیا جنہوں نے اس تقریب میں شرکت کی اور اپنا تعاون پیش کیا۔ انہوں نے کہا کہ ’’اس سال مختلف مذاہب کے لوگوں کی بڑی تعداد دیکھ کر پرانی یادیں تازہ ہوگئیں اور یہ مذہبی ہم آہنگی اور آپسی بھائی چارے کی علامت ہے۔‘‘ پنڈتوں نے مستقبل میں بھی اسی بھائی چارے کے قائم رہنے کی امید ظاہر کی۔
ایل و سی کے نزدیک فوجی کیمپ میں دلکش مناظر
پونچھ: سرحدی ضلع پونچھ میں لائن آف کنٹرول پر تعینات بارڈر سیکیورٹی فورس (بی ایس ایف) اہلکاروں کے لیے رکشا بندھن کے موقع پر خصوصی انتظامات کیے گئے۔ مقامی خواتین نے فوجی اہلکاروں ک کلائیوں پر راکھی باندھ کر رکشا بندھن کے موقع پر فوجی اہلکاروں کے تئیں اپنے جذبے کا اظہار کیا۔
یہ بھی پڑھیں: LG Greets People on Raksha Bandhan: منوج سنہا کی رکشا بندھن پر لوگوں مبارک باد
