ترال:مرکز کے زیر انتظام یوٹی جموںو کشمیر کے پلوامہ کے گلشن پورہ میں واقع گجر بستی کے درجنوں باشندوں نے گزشتہ چند ہفتوں سے جاری پینے کے پانی کی قلت کے خلاف احتجاج کیا۔مقامی باشندوں نے محکمہ جل شکتی سے پینے کے پانی کی سپلائی میں جلد سے جلد بہتری لانے کا مطالبہ کیا۔
ترال میں گجر بستی گلشن پورہ میں پینے کے پانی کی قلت ، عوام سراپا احتجاج (etv bharat)
مقامی باشندوں کا کہنا ہے کہ انہوں نے تنگ آکر متعلقہ حکام کے خلاف احتجاج کیا اور مانگ کی کہ ان کی بستی میں پینے کے پانی کی قلت کا مسئلہ فی الفور حل کیا جائے
مقامی باشندوں نے ای ٹی وی بھارت کو اپنی فریاد سناتے ہوئے کہا کہ آج ترال علاقے میں عرس شاہ ہمدان رح عقیدت و احترام کے ساتھ منایا جا رہا ہے لیکن بدقسمتی سے ان کے گاوں میں آج بھی پانی نہیں ہے۔ لوگوں کے پاس چاے بنانے کے لیے بھی پانی نہیں ہے۔
