بڈگام: بیرواہ اسمبلی حلقہ جموں و کشمیر قانون ساز اسمبلی کے 90 حلقوں میں سے حلقہ نمبر 28 ہے اور یہ حلقہ ایک عام نشست (General Catagory) ہے جو درج فہرست ذاتوں (SCs) اور (STs) کے لیے مخصوص نہیں ہے۔ اس نشست پر جموں و کشمیر نیشنل کانفرنس (جے کے این سی)، پیپلز ڈیموکریٹک پارٹی (پی ڈی پی)، کانگریس، اپنی پارٹی(AP)، عوامی اتحاد پارٹی (اے آئی پی) اور بی جے پی (بھارتیہ جنتا پارٹی) جیسی اہم جماعتیں مقابلہ آرا ہیں۔
ماضی میں اس نشست سے جے کے این سی کے نائب صدر عمر عبداللہ نے 2014 میں بیرواہ حلقہ سے کامیابی حاصل کی تھی۔ جب کہ 2008 میں جموں و کشمیر پیپلز ڈیموکریٹک پارٹی (جے کے پی ڈی پی) کے امیدوار شفیع احمد وانی نے جیت درج کی۔ وہیں 2002 کے جموں و کشمیر اسمبلی انتخابات میں پی ڈی پی کے امیدوار محمد سرفراز خان نے جے کے این سی کے محمد امین بانڈے اور آزاد امیدوار بشیر احمد کو شکست دی تھی۔ جب کہ بیرواہ سے 1987 اور 1996 تک JKNC کے سید احمد سید اور آغا سید محمود الموسوی نے بالترتیب اس حلقے سے کامیابی حاصل کی۔
2008 اور 2014 کے درمیان ووٹروں میں اضافہ کی تعداد
الیکشن کمیشن آف انڈیا کے اعداد و شمار کے مطابق 2014 کے جموں و کشمیر اسمبلی انتخابات کے دوران بیرواہ حلقہ میں 93,046 ووٹر تھے۔ اس میں سے 48,900 مرد اور 44,146 خواتین ووٹرز تھے۔ کسی ووٹر کا تعلق تیسری جنس سے نہیں تھا۔ حلقے میں 50 پوسٹل ووٹ ڈالے گئے۔ 2014 میں بیرواہ میں سروس ووٹرز کی تعداد 50 تھی جن میں (47 مرد اور 3 خواتین) ووٹ تھے۔ جب کہ 2008 میں بیرواہ حلقہ میں ووٹروں کی کل تعداد 83,941 تھی۔ اس میں سے 43,728 مرد ووٹرز اور 40,213 خواتین ووٹر تھے۔ 2008 میں بیرواہ میں سروس ووٹرز کی تعداد 25 تھی جن میں (18 مرد اور 7 خواتین) ووٹر تھے۔
جموں و کشمیر کے بیرواہ حلقہ میں 25 ستمبر کو دوسرے مرحلے میں UT کے دیگر 25 حلقوں کے ساتھ پولنگ ہوگی، بشمول خان صاحب اور حضرت بل۔ جب کہ بیرواہ حلقہ انتخاب کے نتائج کا اعلان جموں و کشمیر کے دیگر 89 حلقوں کے ساتھ 8 اکتوبر کو کیا جائے گا۔
بیرواہ حلقہ سے انتخابی میدان میں 13 امیدوار میدان میں
اس حلقہ انتخاب کے لیے جموں و کشمیر پیپلز ڈیموکریٹک پارٹی (جے کے پی ڈی پی) نے حاجی غلام احمد خان کو اس نشست کے لیے اپنا امیدوار قرار دے دیا ہے اور جموں و کشمیر نیشنل کانفرنس (جے کے این سی) نے ڈاکٹر شفیع احمد وانی کو اپنا امیدوار قرار دیا ہے، عوامی اتحاد پارٹی نے نظیر احمد خان کو مینڈیٹ دیا ہے، آزاد امیدوار سرجان برکاتی، اپنی پارٹی (اے آئی پی) ، جے کے اے این سی وغیرہ پارٹیوں نے بھی اپنے امیدوار میدان میں اتارے ہیں۔ بیرواہ اسمبلی حلقہ سے کل 19 امیدواروں نے نامزدگی کاغذات فائل کیے تھے جن میں سے پانچ کے فارم منسوخ کر دیے گئے جب کہ ایک نے اپنا نام واپس لیا ہے۔ جس کے بعد بیرواہ حلقہ سے انتخابی میدان میں کل 13 امیدوار اپنی قسمت آزمائیں گے۔
عمر عبداللہ کی کامیابی کا فرق صرف 910 ووٹ
2014 کے جموں و کشمیر اسمبلی انتخابات میں نیشنل کانفرنس کے رہنما عمر عبداللہ نے بیرواہ سیٹ سے 910 ووٹوں کے کم فرق سے کامیابی حاصل کی۔ انہیں 34.18 فیصد ووٹ شیئر کے ساتھ 23,717 ووٹ ملے۔ انہوں نے کانگریس امیدوار نذیر احمد خان کو شکست دی، جنھیں 22,807 ووٹ (32.86%) ملے۔ جموں و کشمیر پیپلز ڈیموکریٹک پارٹی (JKPDP) کے امیدوار شفیع احمد وانی 17,554 ووٹ (25.30%) کے ساتھ تیسرے نمبر پر رہے اور جموں و کشمیر پیپلز کانفرنس (JKPC) کے امیدوار داؤد خان لودھی 3,103 ووٹ (4.47%) کے ساتھ چوتھے نمبر پر رہے۔ پولنگ ہوئے ووٹوں کی کل تعداد 69,402 (74.59%) تھی۔
یہ بھی پڑھیں: ترال میں 33 افراد نے ہوم ووٹنگ کے ذریعہ کیا حق رائے دہی کا استعمال - JK Assembly Elections 2024 |
کامیابی کا سب سے کم فرق
2008 کے جموں و کشمیر اسمبلی انتخابات میں جے کے پی ڈی پی کے امیدوار شفیع احمد وانی نے محض 164 ووٹوں کے فرق سے اس نشست پر کامیابی حاصل کی۔ انہیں 24.42 فیصد ووٹ شیئر کے ساتھ 11,720 ووٹ ملے۔ نیشنل کانفرنس کے امیدوار نریندر سنگھ 11,556 ووٹ (24.08%) کے ساتھ دوسرے نمبر پر رہے۔ اس حلقے میں پول ہوئے ووٹوں کی کل تعداد 47,997 (57.18%) تھی۔ جموں اور کشمیر ڈیموکریٹک پارٹی نیشنلسٹ (JKDPN) کے امیدوار نذیر احمد خان 9,958 ووٹ (20.75%) کے ساتھ تیسرے نمبر پر رہے اور پیپلز ڈیموکریٹک فرنٹ کے امیدوار پردیپ بالی 4,218 ووٹ (8.71%) کے ساتھ چوتھے نمبر پر رہے۔
1977 سے 2014 تک کون کون بنے فاتح امیدوار
بیرواہ اسمبلی حلقہ سے ماضی میں فاتح ہونے والے فاتح امیدوار۔ 1977: سید احمد سعید (جے کے این سی)۔ 1983: سید احمد سعید (جے کے این سی)۔ 1987: سید احمد سعید (جے کے این سی)۔ 1996: آغا سید محمود الموسوی (جے کے این سی)۔ 2002: محمد سرفراز خان (جے کے پی ڈی پی)۔ 2008: شفیع احمد وانی (جے کے پی ڈی پی)۔ 2014: عمر عبداللہ (جے کے این سی)۔ 2014 اور 2008 میں بیرواہ حلقہ کے ووٹر ٹرن آؤٹ۔ 2014 کے جموں و کشمیر اسمبلی انتخابات کے دوران پولنگ ووٹوں کی کل تعداد 69,402 یا 74.59% تھی جو بیرواہ قانون ساز اسمبلی حلقہ میں تھی۔ 2008 میں اس اسمبلی سیٹ پر پولنگ ووٹوں کی کل تعداد 47,997، یا 57.18% تھی۔
