جموں (جموں و کشمیر): روشنی کے تیوہار دیوالی سے قبل جموں وکشمیر کی سرمائی دارالحکومت جموں کی ضلعی جیل امپھالا میں قیدی موم بتی اور دیے بنانے کا کام کر رہے ہیں۔ یہ موم بتیاں جیل میں تیار کی جاتی ہیں اور پھر جیل کے باہر اسٹال لگا کر فروخت بھی کی جاتی ہیں۔
جہاں کئی مقامات پر دیوالی کی تیاریاں کی جا رہی ہیں وہیں جموں کی ہائی ٹیک امپھالا جیل میں دیوالی کے لیے چراغ اور موم بتیاں تیار کی جا رہی ہیں۔ جیل میں بنائے ہوئے دئے گھروں میں روشنی پھیلائیں گے۔
جیل کو اگرچہ اندھیروں کا گھر کہا جاتا ہے لیکن اسے قیدیوں کے تیار کردہ چراغوں سے روشن کیا جائے گا۔ جیل سپرنٹنڈنٹ نے بتایا کہ قیدیوں کو خود انحصار بنانے کے مقصد سے مختلف کام سکھائے جا رہے ہیں۔
جیل کے قیدی دئے (چراغ) بنانے کا کام کر رہے ہیں۔ یہ لیمپ پہلے جیل میں تیار کیے جاتے ہیں، اس کے بعد جیل کے باہر اسٹال لگا کر فروخت کیے جاتے ہیں۔ اس کے علاوہ دیوالی کو مدنظر رکھتے ہوئے جیل میں قیدیوں کی جانب سے مٹی کے چراغ بنانے کا کام بھی کیا جا رہا ہے۔ تاکہ جیل کے اندر بھی روشنی پھیلائی جا سکے۔
بتادیں کہ دیوالی کا تہوار دراصل رام کی ایودھیا واپسی کی یاد میں منایا جاتا ہے۔ اس دن رام 14 سال جلاوطنی میں گزارنے اور لنکا کے بادشاہ راون کو شکست دینے کے بعد سیتا اور لکشمن کے ساتھ ایودھیا واپس آئے جو مذہبی اعتبار سے تاریکی پر روشنی کی فتح اور برائی پر اچھائی کی یاد دلاتا ہے۔
یہ بھی پڑھیں:
اس سال دیوالی 31 اکتوبر کو منائی جائے گی۔ دراصل، اس کے پیچھے وجہ یہ ہے کہ دیوالی ہمیشہ کارتک مہینے کے نئے چاند کی رات کو منائی جاتی ہے اور دیوالی کے چراغ تب ہی جلتے ہیں۔ لہذا اس سال یہ اماوسیہ 31 اکتوبر 2024 کو صبح 03:52 بجے شروع ہوگی اور 01 نومبر کی صبح 06:00 بجے تک رہے گی۔
