نئی دہلی: نیشنل کانفرنس کے رہنما عمر عبداللہ نے پیر کو سپریم کورٹ کو بتایا کہ وہ اور ان کی اہلیہ پائل عبداللہ گزشتہ 15 سالوں سے الگ رہ رہے ہیں اور ان کے درمیان ازدواجی زندگی کی کوئی چیز باقی نہیں رہی۔ عمر نے سپریم کورٹ سے استدعا کی کہ آئین کے آرٹیکل 142 کا استعمال کرتے ہوئے شادی کو ختم کیا جائے۔
عمر عبداللہ کی نمائندگی کرنے والے سینئر وکیل کپل سبل نے جسٹس سدھانشو دھولیا اور جسٹس احسن الدین امان اللہ کی بنچ کے سامنے دلیل دی کہ ان کے موکل کی شادی ختم ہو گئی ہے۔ سبل نے اصرار کیا کہ وہ پچھلے 15 سالوں سے الگ رہ رہے ہیں۔
انہوں نے سپریم کورٹ پر زور دیا کہ وہ آئین کے آرٹیکل 142 کو نافذ کرنے کی اپیل کی، جو ماضی میں شادیوں کو تحلیل کرنے کے لیے استعمال ہوتا رہا ہے۔ عمر اور پائل عبداللہ کی شادی یکم ستمبر 1994 کو ہوئی تھی اور وہ 2009 سے الگ رہ رہے ہیں۔
نیشنل کانفرنس کے رہنما اور جموں و کشمیر کے سابق وزیر اعلیٰ عمر عبداللہ نے دہلی ہائی کورٹ کے اس فیصلے کو چیلنج کرتے ہوئے سپریم کورٹ کا رخ کیا تھا، جس میں ان کی اہلیہ سے طلاق کی درخواست کو ظلم کی بنیاد پر مسترد کر دیا گیا تھا۔ سبل کے دلائل سننے کے بعد سپریم کورٹ نے پائل عبداللہ کو نوٹس جاری کیا اور ان سے چھ ہفتے کے اندر جواب طلب کی ہے۔
غور طلب ہے سپریم کورٹ میں اپنی درخواست میں عمر نے ظلم کی بنیاد پر طلاق مانگی تھی۔ دسمبر 2023 میں دہلی ہائی کورٹ نے عمر عبداللہ کی طلاق کی درخواست مسترد کرتے ہوئے کہا کہ ان کی اپیل کا کوئی جواز نہیں ہے۔
سال 2016 میں ایک فیملی کورٹ نے عبداللہ کو طلاق کا حکم دینے سے یہ کہتے ہوئے انکار کر دیا تھا کہ پائل عبداللہ کے خلاف ظلم کے الزامات مبہم ہیں اور یہ بھی کہا تھا کہ یہ 'ظلم' یا 'چھوڑ دینے' کے دعووں کو ثابت نہیں کر سکے گا۔ ہائی کورٹ نے فیملی کورٹ کے حکم کو برقرار رکھا تھا۔ عمر اور پائل عبداللہ اپنے دونوں بیٹوں کی تحویل میں شریک ہیں۔
