آتشزدگی میں فرنیچر اسٹور خاکستر

nocturnal fire gutted furniture store in mandiپونچھ کے ساتھرہ، منڈی علاقے کے باشندوں کا الزام ہے کہ فائر اینڈ ایمرجنسی عملہ کی گاڑی دو گھنٹہ دیر سے پہنچنے کے سبب تین دکانوں پر مشتمل فرنیچر کی دکان اور اس میں موجود قریب 80لاکھ روپے کا فرنیچر راکھ کے ڈھیر میں تبدیل ہو گیا۔

پونچھ (جموں کشمیر) :سرحدی ضلع پونچھ کے ساتھرہ، منڈی علاقے میں شبانہ آتشزدگی میں تین دکانوں پر مشتمل ایک فرنیچر اسٹور اور اس میں موجود لاکھوں روپے کا فرنیچر خاکستر ہو گیا ہے، تاہم آگ کی اس واردات میں کسی جانی نقصان کی کوئی اطلاع نہیں ہے۔ مقامی باشندوں نے فائر اینڈ ایمرجنسی عملہ غفلت شعاری کا الزام عائد کیا ہے وہیں انہوں نے متاثرین کی باز آبادکاری کا بھی مطالبہ کیا۔

عینی شاہدین کے مطابق قریب ساڑھے گیارہ بجے نمودار ہوئی اس آگ نے آناً فاناً تینوں دکانوں کو اپنی زد میں لے لیا۔ گرچہ مقامی باشندوں، پولیس نے آگ پر قابو پانے کی کوشش تاہم تاہم اس قدر بھیانک تھی کہ اس نے پورے اسٹور کو راکھ کے ڈھیر میں تبدیل کر دیا۔ مقامی باشندوں نے الزام عائد کرتے ہوئے کہا کہ آگ نمودار ہوتے ہی انہوں نے فور طور پر محکمہ فائیر اینڈ ایمرجنسی کو مطلع کیا تاہم محض تین کلو میٹر کی دوری عبور کرنے میں انہیں دو گھنٹے کا وقت لگا جس کی وجہ سے فرنیچر اسٹور میں رکھا لاکھوں روپے مالیت کا فرنیچر خاکستر ہو گیا۔

انہوں نے محکمہ فائر اینڈ ایمرجنسی سروسز عملہ کی شدید نکتہ چینی کرتے ہوئے کہا: ’’ان کی لاپرواہی کے سبب اس سے قبل بھی یہاں آگ کی کئی واردات پیش آئیں، اور وقت پر فائر اینڈ ایمرجنسی سروسز کی گاڑی نہ پہنچنے کے سبب لوگوں کا لاکھوں روپے کا نقصان ہو چکا ہے۔‘‘ ادھر، آتشزدگی متاثرہ محمد اسحاق نے میڈیا نمائندوں کے ساتھ بات کرتے ہوئے کہا کہ انہوں نے بینک سے سودی قرضہ لیکر قریب 80لاکھ روپے کا فرنیچر اسٹور کیا تھا جس آگ کے سبب خاک ہو گیا۔ انہوں نے فائر اینڈ ایمرجنسی عملہ کے خلاف کارروائی کرنے اور متاثرین کی مدد کرنے کی بھی اپیل کی ہے۔