ترال( پلوامہ): نیشنل کانفرنس کی جانب سے آج ٹاؤن ہال ترال میں ایک پروگرام کا اہتمام کیا گیا، جس کی صدارت سینیئر لیڈر و ممبر پارلمینٹ حسنین مسعودی نے کی۔ جب کہ اس موقعے پر ضلع صدر پلوامہ غلام محی الدین میر، انچارج کانسچونسی ڈاکٹر غلام نبی بٹ اور جی ایم کانٹرو موجود تھے۔
پروگرام کے دوران پارٹی ورکران پر زور دیا گیا کہ وہ نشنل کانفرنس، کے امیدوارون کو لوک سبھا انتخابات میں کامیاب کریں۔ اپنے خطاب میں ڈاکٹر غلام نبی بٹ نے بتایا کہ کشمیر میں اس وقت جو ماحول پیدا ہوا ہے وہ سب پی ڈی پی کی ہی دین ہے، کیونکہ اس پارٹی نے اقتدار کے لیے بھاجپا کے ساتھ ہاتھ ملایا ہے۔
میڈیا کے ساتھ بات کرتے ہوئے ایم پی حسنین مسعودی نے بتایا کہ این سی جلد ہی وسطی اور شمالی کشمیر کے لیے باقاعدہ امیدواروں کا اعلان کرے گی۔ انہوں نے دعوی کیا کہ اننت ناگ- راجوری پارلیمانی نشست کے لیے محبوبہ مفتی کی آمد سے این سی کے لیے کوئی خطرہ نہیں ہے، بلکہ این سی امیدوار میاں الطاف دونوں سابق وزرائے اعلیٰ محبوبہ مفتی اور غلام نبی آزاد کو ہرا دیں گے۔
مزید پڑھیں:
- پی ڈی پی صدر محبوبہ مفتی اننت ناگ پارلیمانی سیٹ سے انتخابات لڑیں گی
- پارلیمانی انتخابات میں کل کے دوست اب حریف بن گئے
یاد رہے کہ پی ڈی پی نے اننت ناگ راجوری نششت کے لیے پارٹی صدر محبوبہ مفتی کو میدان میں اترا ہے، جبکہ سابق گانگریس رہنما و ڈیموکریٹک پراگریسو آزاد پارٹی کے چیئرمین غلام نبی آزاد بھی اس سیٹ میں لوک سبھا انتخابات لڑ رہے ہے۔ بی جے پی نے اس سیٹ پر ابھی تک پارٹی امیدروار کا اعلان نہیں کیا۔
