پلوامہ میں فاروق عبداللہ نے عوامی جلسے کو خطاب کیا - Lok Sabha Election

نیشنل کانفرنس کے صدر فاروق عبداللہ نے کہا کہ جموں و کشمیر کو دو حصوں میں تقسیم کیا گیا ہے وہ غیر آئینی ہے۔ہم اس کے خلاف جدوجہد جاری رکھیں گے۔کشمیری عوام بھی اس جدوجہد میں شامل ہیں ۔

پلوامہ: ضلع پلوامہ کے چندگام علاقے میں لوک سبھا انتخابات کے مدنظرنیشنل کانفرنس (یونٹ پلوامہ) کی جانب سے ایک عوامی کنونشن کا انعقاد کیا۔اس موقع پر نیشنل کانفرنس کے صدر فاروق عبداللہ، نیشنل کانفرنس کے سرینگر پارلیمانی حلقہ کے امیدوار آغا روح اللہ مہدی، ضلع پلوامہ کے صدر غلام محید الدین میر، پلوامہ حلقہ کے صدر محمد خلیل بند اور پارٹی کے دیگر سینئر لیڈران نے کنونشن میں حصہ لیا۔جبکہ پروگرام میں ضلع کے مختلف علاقوں سے بڑی تعداد نے لوگوں نے شرکت کی۔

جلسے کو خطاب کرتے ہوئے نیشنل کانفرنس کے صدر فاروق عبداللہ نے کہا کہ میں نے یوٹی کو ریاستوں میں تبدیل ہوتے دیکھا ہے لیکن یہ پہلا موقع ہے کہ 5 اگست 2019 کو ریاست کو یوٹی میں تبدیل کیا گیا ہے۔اسے غیر آئینی طور پر دو حصوں میں تقسیم کیا گیا۔

انہوں نے کہا کہ بی جے پی آنے والے پارلیمانی انتخابات کے لیے مذہبی کارڈ کھیل استعمال کررہی ہے اور لوگوں کو اس کا جواب ووٹ کے ذریعہ مستحق امیدواروں کے حق میں دینا چاہیے۔فاروق عبداللہ نے لوگوں سے اپیل کی کہ وہ آنے والے پارلیمانی انتخابات کے دوران پارٹی کے امیدوار کو ووٹ دیں تاکہ جموں و کشمیر کی سیاسی صورتحال بدل جائے اور لوگوں کو راحت ملے۔