بڈگام (جموں کشمیر): وسطی کشمیر کے بڈگام ضلع میں اسمبلی حلقہ بیروہ سے نیشنل کانفرنس نے ڈاکٹر شفیع احمد وانی کو امیدوار نامزد کیا۔ بیروہ اسمبلی حلقہ سے عمر عبداللہ بھی ماضی میں قانون ساز اسمبلی کے لیے رکن منتخب ہوئے ہیں اور گاندربل نشست کی طرح بیروہ بھی نیشنل کانفرنس کا گڑھ تصور کی جاتی ہے۔ اس حلقے پر این سی کارکنان کے مابین منڈیٹ کو لیکر کافی اندرونی خلفشار پایا جا رہا تھا اس وجہ سے این سے نے آخری لمحات میں شفیع وانی کو امیدوار نامزد کیا۔
ڈاکٹر شفیع احمد وانی اس سے قبل بھی بیروہ نشست سے ایک مرتبہ ایم ایل اے رہ چکے ہے۔ وانی نے کاغذات نامزدگی داخل کرانے سے قبل ای ٹی وی بھارت کے ساتھ گفتگو کے دوران کہا: ’’ہم سے ہمارا آئینی حق چھینا گیا، جس کی وجہ سے زبانوں پے تالے لگے ہوئے تھے اور اب یہ تالے دس سال بعد ان کے خلاف ووٹ کی صورت میں کھلے گے جنہوں نے ہر محاذ پر کشمیر کے باشعور عوام کو اپنے پیروں کے نیچے کچل ڈالا۔‘‘
بیروہ اسمبلی حلقہ سے سال 2008 کے اسمبلی انتخابات میں شفیع احمد وانی نے پیپلز ڈیموکریٹ پارٹی (پی ڈی پی) کی ٹکٹ پر الیکشن میں شرکت کی اور محض 164 ووٹوں کے فرق سے اس نشست پر کامیابی حاصل کی۔ پی ڈی پی سے کنارہ کشی اختیار کرنے کے بعد وہ این سی میں داخ ہوئے اور انہیں اس حلقے کا انچارج بھی مقرر کیا گیا۔ شفیع احمد وانی کو منڈیٹ دینے سے این سے دیرینہ کارکن غلام احمد خان این سی سے علیحدہ ہوئے اور ان کا اپنا حلقہ ہے جو شفیع احمد کے خلاف ووٹ ڈالیں گے تاہم شفیع احمد پر امید ہے کہ لوگ انہیں اور این سی کو الیکشن میں کامیاب بنائیں گے۔
یہ بھی پڑھیں: امت شاہ 6 ستمبر کو جموں میں بی جے پی کا انتخابی منشور جاری کریں گے - Amit Shah to visit Jammu
کشمیر اسمبلی انتخابات، لال چوک نشست پر چچا اور بھتیجا مد مقابل - Uncle Vs Nephew in kashmir Polls
