پلوامہ (جموں کشمیر) : جنوبی کشمیر کے پلوامہ ضلع میں محرم الحرام کے پیش نظر عزاداروں کو راحت پہنچانے کی غرض سے انتظامیہ کی جانب سے انتظامات کیے جا رہے ہیں۔ محرم الحرام کے دوران پلوامہ کے مختلف مقامات پر تقاریب منعقد ہوتی ہیں تاہم سب سے بڑی تقریب ضلع کے گانگوہ علاقے میں انجام دی جاتی ہے کیونکہ یہ ضلع کا سب سے بڑا شیعہ اکثریتی علاقہ ہے۔
میونسپلٹی کی جانب سے گانگو، پلوامہ کے امام بارگاہ اور اس کے متصل علاقوں میں روزانہ کی بنیاد پر صفائی انجام دی جاتی ہے جس کی مقامی باشندوں نے سخت پذیرائی کی ہے۔ لوگوں نے حکام سے محرم کے ایام میں بجلی اور پانی کی بلا خلل سپلائی کو یقینی بنائے جانے کی بھی اپیل کی ہے۔ حاجی علی محمد نامی ایک مقامی شہری نے بتایا کہ علاقے کی اوقاف کمیٹی نے محرم کے حوالہ سے تیاریاں مکمل کر لی ہیں تاہم انہوں نے انتظامیہ سے بھی انتظامات کو حتمی شکل دئے جانے کا مطالبہ کیا ہے۔
واضح ہرے کہ جموں و کشمیر کے بیشتر علاقوں کی طرح پلوامہ ضلع میں بھی انتظامیہ کی جانب سے محرم کے دوران شیعہ مکتبہ فکر سے وابستہ افراد کو محرم کے متبرک ایام کے دوران راحت پہنچانے کے لئے انتظامات کیے جاتے ہیں، جبکہ جموں کشمیر پولیس کی جانب سے بھی ان ایام کے دوران محرم کی تقاریب کو پرامن طریقے سے منعقد کرانے کے لیے حفاظتی اقدامات اٹھائے جاتے ہیں۔ علاوہ ازیں مختلف مکتبہ ہائے فکر سے وابستہ افراد کی جانب سے بھی شیعہ آبادی کے لیے لنگر، سبیلیں لگائے جانے کا انتظام کیا جاتا ہے۔
یہ بھی پڑھیں: شیعہ سنی کارڈی نیشن نے محرم کے حوالہ سے کی کئی قرارداد پاس - resolutions Regarding Muharram
