گاندربل (جموں و کشمیر): گاندربل میں سیاسی سرگرمیاں جاری رکھتے ہوئے دوسرے روز بھی پی ڈی پی نے ایک زبر دست چناوی روڈ شو کا اہتمام کیا جس میں التجا مفتی اور پارٹی امید وار گاندربل بشیر احمد میر موجود تھے۔ روڈ شو پاندچھ سے ہو کر گاندربل کے مختلف علاقوں سے گزرا جس میں لوگوں کی ایک کثیر تعداد نے شرکت کی۔
اس موقعے پر التجانے مفتی نے کئی مقامات پر لوگوں سے خطاب کر کے بشیر احمد میر کے حق میں ووٹ مانگے۔ التجا نے میڈیا سے بات کرتے ہوئے کہا کہ ہوم منسٹری کو اپنے رویہ میں تبدیلی لا کر اپنا دل نرم کرنا ہو گا۔ انہوں نے مزید کہا کہ یہاں کے نوجوان جن میں کئی صحافی بھی شامل ہیں وہ جیلوں میں نظر بند ہیں ہم ان کو رہا کرکے کے ہی دم لیں گے۔
اس موقعے پر بشیر میر نے بھی لوگوں سے اپیل کی کہ وہ 25 تاریخ کو ان کے حق میں ووٹ دیکر ان کو کامیاب بنائیں اور انہیں عوام کی خدمت کرنے کا موقع دیں۔ بشیر نے کہا کہ اگر ان کی پارٹی وادی میں حکومت بنائیگی تو یہاں پر ترقیاتی کے رکے ہوئے کام دوبارہ سے شروع کئے جائیں گے۔
یہ بھی پڑھیں:
واضح رہے کہ جموں و کشمیر میں انتخابی سرگرمیاں اپنے عروج پر ہیں اور دوسرے مرحلے کی انتخابی مہم کا آج آخری دن ہے۔ اس سلسلے میں التجا مفتی لگاتار پارٹی امیدواروں کے لئے ریلیاں کر رہی ہیں۔ اپنی ریلی میں انہوں نے کہا کہ گاندربل میں جو بھی ترقیاتی کام ہوئے ہیں وہ سب مرحوم مفتی محمد سعید نے کئے ہیں۔ اس لئے میں یہاں کی عوام سے کہتی ہوں کہ اگر اپنے علاقے کو ترقی یافتہ بنانا ہے تو پیپلز ڈیموکریٹک پارٹی کو اپنا قیمتی ووٹ دیں اور حلقے کے امیدوار بشیر احمد میر کے حق میں ووٹ دیکر ان کو کامیاب بنائیں۔
