سری نگر: جموں و کشمیر میں ایک بار پھر غیر کشمیری شہری پر حملہ ہوا ہے، فائرنگ سے ایک غیر مقامی مزدور زخمی ہوگیا۔ جموں و کشمیر کے علاقے ترال کے بٹ گنڈ میں ہوئی فائرنگ میں ایک شخص کے زخمی ہونے کی خبر ہے۔ اسے زخمی حالت میں علاج کے لیے اسپتال میں داخل کرایا گیا ہے۔
#WATCH | J&K: A labourer from Uttar Pradesh, Pritam Singh was shot and injured by unidentified terrorists in Batgund Tral area of Pulwama district. Security personnel present in the area. Details awaited. pic.twitter.com/SBJPs33Ysb
— ANI (@ANI) October 24, 2024
حکام کے مطابق پلوامہ ضلع کے ترال علاقے میں عسکریت پسندوں کے حملے میں ایک غیر مقامی مزدور زخمی ہو گیا۔ حکام نے تصدیق کرتے ہوئے بتایا کہ یہ واقعہ ترال کے بٹ گنڈ علاقے میں پیش آیا۔ اس حملے میں مزدور کو گولی لگنے سے معمولی زخمی آئے ہیں جسے طبی امداد کے لیے اسپتال منتقل کر دیا گیا ہے۔ زخمی مزدور کا نام پریتم سنگھ بتایا جا رہا ہے جو اترپردیش کا رہنے والا ہے۔
STORY | Terrorists target non-local labourer in Tral
— Press Trust of India (@PTI_News) October 24, 2024
READ: https://t.co/drHeWbp5y1
VIDEO | J&K: CRPF teams deployed in Tral, Pulwama.
(Full video available on PTI Videos - https://t.co/n147TvqRQz) pic.twitter.com/NOukEVhCTJ
بٹ گنڈ ترال میں غیر مقامی مزدور پر حملے کے بعد علاقے میں بڑے پیمانے پر سکوریٹی فورسز کی تعیناتی عمل میں لائی گئی ہے۔ سکیورٹی اہلکاروں نے علاقے کو گھیرے میں لے کر حملہ آوروں کی تلاش شروع کر دی ہے۔ وہیں زخمی مزدور کو علاج کے لیے اسپتال میں داخل کر دیا گیا ہے۔ آپ کو بتاتے چلیں کہ کشمیر میں ایک ہفتے میں یہ تیسرا حملہ ہے۔ حال ہی میں گاندربل کے گگن گیر میں سرنگ کی تعمیراتی مقام پر عسکریت پسندوں کے حملے میں ایک ڈاکٹر کے علاوہ سات مزدور ہلاک ہو گئے تھے۔ اس حملے میں متعدد افراد زخمی بھی ہوئے۔ اس کے علاوہ چند دنوں قبل شوپیاں علاقے میں ایک شخص کو گولی مار کر ہلاک کر دیا گیا تھا۔
جموں و کشمیر میں منظم عسکریت پسندی میں کمی کے بعد ٹارگٹ کلنگ کے واقعات مسلسل منظر عام پر آ رہے ہیں۔ حالیہ اسمبلی اتنخابات کے بعد وجود میں آئی عمر عبد اللہ حکومت کے ابتدائی ایام میں ہی پیش آنے والے یہ واقعات ایک بڑا چیلنج ثابت ہو رہے ہیں۔
