پلوامہ: جموں و کشمیر اسمبلی انتخابات میں ڈاکٹر بلال احمد آزاد امیدوار کے طور پر ضلع پلوامہ کے پانپور اسمبلی حلقہ سے الیکشن میں اپنے قیسمت آزما رہے ہیں۔ ڈاکٹر بلال احمد بٹ جو ملائیشیا سے جموں و کشمیر کے اسمبلی انتخابات میں ایک آزاد امیدوار کے طور پر حصہ لینے کے لیے واپس آئے ہیں، جو بدلتے جموں و کشمیر کے خواب اور وژن کے ساتھ ہیں۔
ضلع پلوامہ کے پانپور اسمبلی حلقہ پر 7 امیدوار ایک الگ منشور کے ساتھ آزاد امیدوار کے طور پر مقابلہ کر رہے ہیں۔ اس سلسلے میں ڈاکٹر بلال احمد نے بات کرتے ہوئے کہا کہ ان کی بنیادی توجہ معاشرے کو بدعنوانی سے پاک بنانے پر مرکوز رہے گی اور روزگار کے مواقع پیدا کرنے پر کام کریں گے۔
انہوں نے الزام لگایا کہ ماضی میں جموں و کشمیر پر حکومت کرنے والی پارٹی نے جموں و کشمیر کی مجموعی ترقی کے لیے کچھ نہیں کیا۔انہوں نے مزید کہا کہ جموں و کشمیر مناسب روزگار، صحت کی دیکھ بھال اور دیگر بنیادی سہولیات کے بغیر تاریکی کے دور میں جی رہا ہے۔ ڈاکٹر بلال احمد بٹ نے کہا کہ وہ دنیا بھر کی مختلف نجی کمپنیوں میں تقریباً 1000 تعلیم یافتہ نوجوانوں کو روزگار دینے کے لیے کام کریں گے۔
