رامبن :مرکز کے زیر انتظام یوٹی جموں و کشمیر کے ضلع رامبن کے میتراہ علاقہ کے مقامی باشندوں نے آج یہاں ضلع صدر مقام میتراہ میں شراب کی نئی دکان کھولے کے خلاف احتجاجی مظاہرہ کیا۔
مقإمی باشندوں نے احتجاج کے دوران سڑک کی ناکہ بندی کردی۔ان کا کہنا تھاکہ علاقے میں شراب کی دکان کھولنے سے ماحول خراب ہو جائے گا۔نوجوانوں پر اس کا برا اثر پڑے گا۔اس کے لئے انتظامیہ ذمہ دار ہوگی۔
مقامی باشندے میتراہ میں واقع گول روڈ پر احتجاجی دھرنے پر بیٹھ گئے۔ مظاہرین کی قیادت سابق رکن اسمبلی اور کانگرس کے سینر لیڈر اشوک کمار کر رہے تھے ۔انہوں نے الزام لگایا کہ حکومت آبادی والے علاقوں میں شراب کی دکانیں کھول کر جان بوجھ کر نوجوانوں کو منشیات کی لت میں مبتلا کر رہی ہے۔ جبکہ میتراہ میں مندر، مسجد اور رام۔ لیلا کرونڈ کے علاقہ میں اسکول بھی ہیں۔
یہ بھی پڑھیں:ڈی سی بارہمولہ نے ترقیاتی کاموں کا جایزہ لیا
انہوں نے کہا کہ نوجوان لڑکے اور لڑکیوں اور اسکول جانے والے بچوں کے لیے شراب کی دکان کے سامنے سے گزرنا مشکل ہے۔ انہوں نے یہ بھی الزام لگایا کہ حکومت آبادی والے علاقوں اور مذہبی اور تعلیمی مقامات کے قریب شراب کی دکانیں کھول کر قواعد و ضوابط کی خلاف ورزی کر رہی ہے جو ناقابل قبول ہے۔
