علی گڑھ: علی گڑھ مسلم یونیورسٹی (اے ایم یو) کیمپس کے قریب کے علاقے صحاب باغ میں ایک کیمرے پر عدنان الطاف منگلو نامی طالب علم کرائے پر رہتا تھا، جو اے ایم یو کے سید حامد سینئر سیکنڈری اسکول میں گیارویں جماعت کا طالب علم تھا۔ اس طالب علم کا موصول اطلاع کے مطابق آج صبح انتقال ہو گیا ہے۔
طالب علم کشمیر کے بارہمولہ کا رہائشی تھا۔ اس موقع پر یونیورسٹی پراکٹر پروفیسر محمد وسیم علی نے اطلاع دیتے ہوئے بتایا کہ عدنان الطاف منگلو کے انتقال کی وجہ پوسٹ مارٹم کی رپورٹ سے ہی معلوم ہو پائے گی، فی الحال باڈی کو اے ایم یو کے جواہر لال نہرو میڈیکل کالج و اسپتال کی مردہ خانہ میں رکھوا دیا گیا ہے اور طالب علم کے والدین کو اطلاع دے دی گئی ہے، وہ آج شام کشمیر سے علی گڑھ کے لئے روانہ ہوں گے۔
انہوں نے مزید بتایا کہ میڈیکل سی ایم او کے مطابق طالب علم کی موت میڈیکل لانے سے تقریبا پانچ گھنٹے پہلے ہو چکی تھی۔ طالب علم کے جیب سے کچھ شیشی بھی ملی ہے۔ طالب علم کو مکان مالک اور دیگر لوگ میڈیکل لے کر آئے تھے۔ اے ایم یو میں زیر تعلیم سینیئر کشمیری طلباء نے طالب علم کی موت پر افسوس کا اظہار کیا اور میڈیکل کالج پہچ کر میڈیکل آفیسر اور یونیورسٹی انتظامیہ سے تفصیلات حاصل کر رہے ہیں۔
یہ بھی پڑھیں؛ اے ایم یو میں زیرتعلیم کشمیری طلبا کی تفاصیل طلب، طالب علموں میں بے چینی
