جموں: وزیر اعلیٰ عمر عبداللہ وروان کشتواڑ کے آتشزدگی کے متاثرین سے ملنے کے لیے آججموں کے ضلع کشتواڑ ضلع کا دورہ کریں گے۔پیر کو کشتواڑ ضلع کے ایک دور افتادہ علاقے مروہ میں زبردست آگ لگنے سے 68 سے زیادہ مکانات جل کر خاکستر ہو گئے تھے۔ آگ ایک گھر میں بھڑک اٹھی تھی دیکھتے ہی دیکھتے آگ کئی مکانات کو لپیٹ میں لے لی، جس سے مکانات جل کر خاکستر ہوگئے۔
وزیر اعلیٰ عمر عبداللہ نے ایکس پر پوسٹ کیا کہ میں آج کشتواڑ کے وروان کا سفر کروں گا تاکہ اس حادثے کے متاثرین سے ملاقات کر سکوں۔عمرعبداللہ کا بطور وزیر اعلیٰ حلف لینے کے بعد یہ پہلا دورہ ہے۔
نیشنل کانفرنس کے ایک ترجمان نے کہا کہ پارٹی صدر فاروق عبداللہ اور وزیر اعلیٰ عمرعبداللہ کشتواڑ کے دور افتادہ علاقے مروہ میں ایک مسجد سمیت ستر سے زیادہ مکانات تباہ ہونے پرغمزدہ ہیں۔
کشتواڑ ضلع کے مالاروان گاؤں میں کل پیر کے روز زبردست آگ لگ گئی، جس نے تقریباً 70 رہائشی مکانات اور تقریباً 30 گائے کے شیڈ کو تباہ کر دیا۔ مقامی لوگوں نے ای ٹی وی بھارت کو بتایا کہ پولیس اہلکاروں اور مقامی رضاکاروں نے تیزی سے پھیلتی آگ پر قابو پانے کے لیے مل کر کام کیا لیکن وہ بروقت آگ پر قابو نہیں پاسکے۔
مزید پڑھیں: وزیر اعلیٰ بنتے ہی عمر عبداللہ کی ٹویٹر پر ’دبنگ انٹری‘
کشتواڑ کے ڈپٹی کمشنر راجیش کمار شاون نے ریڈ کراس ریلیف کے تحت متاثرہ خاندانوں کے لیے 5 لاکھ روپے کی ایکس گریشیا کا اعلان کیا۔ اندروال کے ایم ایل اے پیارے لال شرما نے آگ متاثرین کی امداد اور بحالی کے لیے 47 لاکھ روپے کا عطیہ دیا ہے۔
