شوپیاں: جنوبی کشمیر کے شوپیاں ضلع میں اشوک چوہان نامی ایک غیر مقامی باشندے کی گولیوں سے چھلنی لاش برآمد کیے جانے پر افسوس کا اظہار کرتے ہوئے وزیر اعلیٰ عمر عبداللہ نے بہیمانہ قتل کی شدید مذمت کی ہے۔ جموں کشمیر کے لیفٹیننٹ گورنر منوج سنہا نے بھی اس قتل کی شدید مذمت کرتے ہوئے مقتول کے اہل خانہ کے ساتھ گہری ہمدردی ظاہر کی ہے۔
Very sorry to hear about the death of Ashok Chouhan at the hands of militants in South Kashmir. These attacks are abhorrent & must be condemned in the strongest possible terms. I send my condolences to the family & loved ones of the deceased.
— Omar Abdullah (@OmarAbdullah) October 19, 2024
وزیر اعلیٰ عمر عبداللہ نے سماجی رابطہ گاہ ایکس پر رد عمل ظاہر کیا کہ ’’ایسے حملے ناقابلِ قبول ہیں اور ان کی بھرپور مذمت کی جانی چاہیے۔‘‘ وزیر اعلیٰ نے اشوک چوہان کے خاندان اور اعزہ و اقارب سے تعزیت کا اظہار کرتے ہوئے کہا کہ وہ اس غم میں ان کے ساتھ برابر کے شریک ہیں۔
ادھر، جموں کشمیر کے لیفٹیننٹ گورنر منوج سنہا نے بھی اشوک چوہان کے قتل کی شدید مذمت کرتے ہوئے کہا: ’’پوری قوم اس دکھ کی گھڑی میں مقتول کے خاندان کے ساتھ کھڑی ہے اور سیکورٹی فورسز قاتلوں کو جلد انصاف کے کٹہرے میں کھڑا کریں گے۔ ایل جی نے اس ’’بزدلانہ کارروائی‘‘ کو ’’انسانیت سوز‘‘ قرار دیا۔
I strongly condemn the brutal killing of a vendor Ashok Chauhan in Shopian by cowardly terrorists. The entire nation stands shoulder to shoulder with his family. Our security forces are determined to hunt down the culprits and bring them to justice.
— Office of LG J&K (@OfficeOfLGJandK) October 19, 2024
یاد رہے کہ جنوبی کشمیر کے شوپیاں ضلع کے وانڈنہ، زینہ پورہ علاقے میں گزشتہ روز ایک غیر ریاستی مزدور کی لاش برآمد ہوئی ہے۔ لاش کے جسم پر گولیوں کے نشانات پائے گئے تھے۔ وہیں پولیس نے اس سلسلہ میں ایف آئی آر درج کرکے تحقیقات شروع کر دی ہے۔
یہ بھی پڑھیں: شوپیان میں غیر ریاستی شخص کی لاش برآمد
