گاندربل (جموں و کشمیر): پولیس شہداء کی محبت بھری یاد میں اور ان کی قربانیوں کو خراج تحسین پیش کرنے کے طور پر، گاندربل پولیس نے ریپورہ سے تھانہ لار تک میراتھن (Run For Unity ) رن فار یونٹی کا انعقاد کیا جس میں اسکولی طلباء، اور ضلعے کے نوجوانوں نے بڑی تعداد میں شرکت کی۔
اس موقع پر ضلعی پولیس کے افسران و اہلکاروں کے علاوہ دیگر لوگوں نے بھی شرکت کی۔ میراتھن کو ڈپٹی سپرنٹنڈنٹ آف پولیس گاندربل نذیر احمد نے جھنڈی دکھا کر روانہ کیا۔ اس موقعے پر ضلعے کے دیگر سینئر پولیس افسران بھی موجود تھے۔ مقامی لوگوں میں بھی اس ایوینٹ کو لیکر کافی جوش دیکھا گیا۔
یہاں یہ بات قابل ذکر ہے کہ گاندربل پولیس، ضلع میں ایک ہفتہ طویل عرصے سے مختلف کھیلوں کی تقریبات، جیسے والی بال، گانے کے مقابلے، میراتھن اور دیگر ہم نصابی سرگرمیوں کا انعقاد کر رہی ہے۔
یہ بھی پڑھیں:
یہ مختلف تقریبات 31 اکتوبر 2024 کو اختتام پذیر ہوں گی۔ پولیس فلیگ ڈے کا یہ ہفتہ ان تمام پولیس شہداء کے لیے وقف ہے جنہوں نے قوم کی خدمات میں اپنی جانیں قربان کردیں۔ تقریب کے اختتام پر پہلی، دوسری اور تیسری پوزیشن حاصل کرنے والوں کو نقد انعامات اور تعریفی اسناد سے نوازا گیا۔
