پلوامہ میں پہلی بار اسلامی شریعہ بورڈ کا افتتاح
پلوامہ: جنوبی کشمیر کے ضلع پلوامہ میں مسلم کمیونٹی کو درپیش روز مرہ کے مسائل سے نمٹنے کے لیے ضلع پلوامہ میں امام اعظم رحمۃ اللہ علیہ شرعی بورڈ کا افتتاح کیا گیا۔ امام اعظم رحمۃ اللہ علیہ شرعی بورڈ کا افتتاح تحریک صوت الاولیاء کے سرپرست اعلیٰ مولانا عبدالرشید داؤدی نے دیگر علماء دین کی موجودگی میں کیا۔
شرعی بورڈ کا بنیادی مقصد مسلمانوں کو یومیہ بنیاد پر درپیش چیلنجز سے نمٹنا اور دینی تعلیمات کے حوالے سے مسلم کمیونٹی کو درپیش مسائل اور مشکلات کے حل کے لیے اپنا کردار ادا کرنا ہے۔ انہوں نے کہا کہ سبھی سماجی برائیوں کو اسلام اور احادیث پر عمل کرکے ہی روکا جاسکتا ہیں۔
یہ بھی پڑھیں:
- پلوامہ میں تحریک صوت الاولیاء کی جانب سے یک روزہ دینی کانفرنس
- پلوامہ کے عازمین حج کیلئے بلاک میڈیکل آفیسر کی جانب سے ویکسینیشن مہم
علماء کرام اور قائدین روزانہ صبح 10 بجے سے شام 4 بجے تک عوام کی بات سننے کے لیے موجود ہوں گے اور تمام مشکلات و مسائل کا دین کے مطابق جامع حل پیش کریں گے۔
