رامبن: ملک کی دوسری ریاستوں کی مرکز کے زیر انتطام یوتی جموں و کشمیر میں بھی لوک سبھا انتخابات کے مدنظر سیاسی گہماگہمی زور شور سے جاری ہے۔ اسی درمیان ضلع رامبن میں واقع کورٹ کمپلیکس میں انڈیا اتحاد کی جانب سے پریس کانفرنس کا اہتمام کیا گیا جس میں بی جے پی کی کارکردگی اور رشوت خوری پر سوال اٹھائے۔ پریس کانفرنس میں کانگریس کے متعدد رہنماوں نے شرکت کی۔
رامبن میں منعقدہ پریس کانفرنس میں انڈین نیشنل کانگریس کے سابق پردیش یوتھ کمیٹی کے کارگزار صدر فیروز احمد خان نے ذارئع ابلاغ کو خطاب کرتے ہوئے کہا کہ ملک میں بی جے پی کی قیادت والی مرکزی حکومت پوری طرح سے ناکام ہو چکی ہے۔ انہوں نے عوام الناس سے گزارش کی وہ کل پارٹی کے امیدوار چودھری لال سنگھ کے رامبن دورہ میں بڑھ چڑھ کر شرکت کریں۔
یہ بھی پڑھیں: کیا نیشنل کانفرنس کے صدر ڈاکٹر فاروق عبداللہ کا سیاسی سفر اختتام کو پہنچا؟ - Farooq Abdullah politics
انہوں نے برسراقتدار جماعت بی جے پی پر ناقص کارکردگی اور رشوت خوری کا الزام لگایا۔ انہوں دعویٰ کیا کہ جموں کشمیر کی عوام نے اس جماعت کو باہر نکالنے کا من بنا لیا ہے جن کی وجہ سے مہنگائی، بے روزگاری، رشوت خوری عروج پر ہے۔ اس پر روک لگانے کے لیے کانگرس جماعت کو اقتدار میں واپس لانا ضروری ہے۔ پریس کانفرنس میں فیروز خان کے ہمراہ نیشنل کانفرنس لیڈر، پی ڈی پی، پینتھرس پارٹی اور دیگر کانگریس لیڈران موجود تھے۔
