بارہمولہ: سابق وزیر اعظم ہند ایچ ڈی دیوی گوڈا نے شمالی کشمیر کے ضلع بارہمولہ کا دورہ کیا۔ اس دوران انہوں نے کہا کہ جب میں وزیر اعظم تھا تب ہماری سرکار نے کافی ترقیاتی منصوبوں پر کام کیا۔ انہوں نے کہا آج میں نے کافی عرصہ بعد کشمیر کا دورہ کیا ہوں۔ اگر ہم ریلوے لائن کی بات کریں تو صورت حال میں کافی تبدیلی آئی ہے۔
غور طلب ہے کہ میڈیا کے ساتھ گفتگو کے دوران انہوں نے کہا کہ کشمیر کافی بدل چکا ہے، آج سے بیس سال پہلے جب میں وزیر اعظم تھا تو ہماری سرکار نے آوری پاور پراجیکٹس کو منظوری دی تھی۔ انہوں نے کہا کہ گزشتہ دس سالوں میں کشمیر میں کافی تبدیلی آئی ہے۔ اس بات میں کوئی شک نہیں ہے کہ کشمیر کے حالات میں کافی بہتری آئی ہے۔
انہوں نے مزید کہا پہلے کشمیر میں حالات کافی خراب ہوتے تھے لیکن جب سے نریندر مودی اور شاہ کی جوڑی نے کام کاج سنبھالا ہے کافی چیزوں میں بہتر ہوئی ہیں۔ انہوں نے کہا کہ جو جموں و کشمیر میں ریلوے لائن ہے وہ کافی حد تک مکمل ہوئی ہے۔ میں چاہتا ہوں کی اس کو جلد از جلد مکمل کیا جائے۔
