بانڈی پورہ: مرکز کے زیر انتظام یوٹی جموں و کشمیر کے بانڈی پورہ کے سابق رکن اسمبلی نظام الدین بٹ نے آج کارکنان کے ساتھ ایک اہم جلسے کو خطاب کرتے ہوئے پیپلز کانفرنس سے علیحدہ ہونے کا اعلان کردیا۔اس جلسے میں درجنوں کارکنان نے شرکت کی۔ اجلاس کے دوران نظام الدین بٹ نے باضابطہ طور پر پیپلز کانفرنس سے استعفیٰ دیدیا۔
سابق ایم ایل اے نظام الدین بٹ نے پیپلز کانفرنس سے استعفیٰ دے دیا (etv bharat)
انہوں نے کہا کہ حالیہ پارلیمانی انتخابات میں پیپلز کانفرنس کو کراری شکست کا سامنا کرنا پڑا اس کے لیے پارٹی کے تمام لوگ ذمہ دار ہیں ۔ انہوں نے کہا کہ دراصل اس شکست کی بنیادی وجہ یہ ہے کہ لوگوں نے سجاد لون کو بی جے پی کا ڈمی امیدوار سمجھا۔ پارلیمانی انتخابات کے دوران ایک ایسی لہر پیدا ہوگئی جو سجاد لون کی شکست کا باعٹ بھی بنی۔
