آتشزدگی سے متاثر کنبوں کو معاوضہ دینے کا مطالبہ

یوتھ کانگریس جموں وکشمیر کے صدر و این ایس یو آئی کے سابق قومی صدر فیروز احمد خان نے ضلع رامبن کی تحصیل پوگل پراستان کی اکھڑ ہال مارکیٹ میں آتشزدگی کے المناک واقعے پر گہری تشویش کا اظہار کرتے ہوئے ضلع انتظامیہ سے فوری کارروائی اور معاوضے کا مطالبہ کیا۔

رامبن:مرکز کے زیر انتظام یوٹی جموں و کشمیر کے ضلع رامبن کی تحصیل پوگل پراستان کی اکھڑ ہال مارکیٹ آتشزدگی کے المناک واقعے کو لے کر کانگریس نے انتظامیہ کی تنقید کی ۔ واضح رہے گزشتہ شب لگنے والی ہولناک آگ نے کئی چھ دوکانیں اور دو رہائشی عمارتوں کو بڑے پیمانے پر نقصان پہنچایا جس سے کئی گھرانوں کو پریشانی اور مشکلات کا سامنا کرنا پڑا۔

آج یوتھ لیڈر فیروز خان نے پوگل پراستان کے مکینوں کے ساتھ سڑکوں پر نکل کر جم کر احتجاج کر کے دھرنا دیا جس سے کچھ دیر سڑک پر امدورفت بند رہی لوگوں کا مطالبہ ہے کہ تصیل صدر مقام أکھڑہال اور کھڑی میں فائر سٹیشن کے قیام اور متاثرہ افراد کو معاوضہ دینے کا مطالبہ کیا۔ ان مطالبات کا سنجیدہ نوٹس لیتے ہوئے ڈپٹی کمشنر رامبن، بصیر الحق چودھری نے فوری طور پر تصیل صدر مقام اکھڑہال اور کھڑی میں فائر ٹینڈرز کی تعیناتی کا حکم دیا تاکہ علاقے کی فائر سیفٹی ضروریات کو پورا کیا جا سکے۔

انہوں نے کہاہ لوگوں اور ڈپٹی کمشنر رامبن کا ان کو بروقت کاروائی کے لیے شکریہ ادا کرتے ہوئے، متاثرین کے لیے معاوضے کا مسئلہ حلادا کرنی کی مانگ کی جس سے متاثرہ افراد کی مالی بہبود کے بارے میں خدشات بڑھ رہے ہیں۔