جموں: جموں وکشمیر کے ضلع کٹھوعہ کے ہیرا نگر علاقے میں منگل کی صبح ایک مشتبہ آئی ای ڈی بر آمد کی گئی جس کو بعد میں ناکارہ بنا دیا گیا۔ پولیس ذرائع نے بتایا ک کٹھوعہ کے ہیرا نگر علاقے کے شیر پور گائوں میں ایک پل کے نزدیک منگل کی صبح ایک مشتبہ آئی ای ڈی بر آمد کی گئی۔ انہوں نے کہا کہ اطلاع موصول ہوتے ہی پولیس اسٹیشن ہیرا نگر اور گھاگوٹ کی ایک ٹیم جائے موقع پر پہنچی۔
ان کا کہنا تھا کہ آئی ای ڈی کی بر آمدگی کے ساتھ ہی بم ناکارہ بنانے والی ایک ٹیم کو طلب کیا گیا جنہوں نے اس کو ناکارہ بنا دیا۔ دونوں ضلعی پولیس ٹیمیں اور بی ڈی ایس ٹیم موقع پر پہنچ گئی ہے۔ جبکہ ٹریفک کو احتیاطی اقدام کے طور پر دوسری جانب موڑ دیا گیا ہے۔
مزید پڑھیں: IED Recovered In Udhampur اُدھم پور میں دھماکہ خیز مواد برآمد
مزید پڑھیں: 'جموں میں سرچ آپریشن کے دوران بھاری مقدار میں اسلحہ و گولہ بارود بر آمد'
مزید پڑھیں: Tiffin Bomb Recovered In Gurdaspur: گورداس پور میں ٹفن بم اور دھماکہ خیز مواد برآمد
مزید پڑھیں: Weapons Recovered During Search Operation: سرچ آپریشن کے دوران اسلحہ برآمد
واضح رہے کہ جموں و کشمیر کے مختلف مقامات میں اس سے پہلے بھی کئی مرتبہ آئی ای ڈی اور دھماکہ خیز مواد برآمد ہوئے ہیں اور کئی مرتبہ وہ پھٹ بھی پڑے۔ تاہم شاذ ونادر ہی ان دھماکوں میں جانی نقصان ہوا ہے۔ فوج کے مطابق جموں و کشمیر میں پہلے کے مقابلے میں عسکری کاروائیوں میں کافی حد تک کمی واقع ہوئی ہے۔
