بارہمولہ: شمالی کشمیر کے بارہمولہ ضلع کے چک تپر کریری میں عسکریت پسندوں اور سیکورٹی فورسز کے درمیان شدید فائرنگ کا تبادلہ جاری ہے۔ اس تصادم میں تین عسکریت پسند مارے جا چکے ہیں۔ ابتدائی اطلاعات کے مطابق کہا گیا ہے کہ پولیس، فوج اور سی آر پی ایف کی مشترکہ ٹیم نے کریری میں محاصرے اور تلاشی کی کارروائی شروع کی اور اس کے ساتھ ہی تصادم شروع ہوا۔
آئی جی کشمیر زون، وی کے بردی نے بارہمولہ انکاؤنٹر پر بیان دیتے ہوئے کہا کہ "کل دیر شام سکیورٹی فورسز کو چک تپر علاقے میں دہشت گردوں کی نقل و حرکت کی اطلاع ملی۔ جموں و کشمیر پولیس، فوج، ایس ایس بی، اور سی آر پی ایف کی ایک مشترکہ ٹیم نے سرچ آپریشن میں عسکریت پسندوں کا گھیراؤ کیا۔ اس دوران شدید فائرنگ اور گولہ باری کا مشاہدہ کیا گیا۔ یہ بہت کم آبادی اور ناہموار ٹپوگرافی والا خطہ ہے۔ ایسے میں یہ ایک بہت اہم کامیابی ہے۔"
#WATCH | Baramulla, J&K: IG Kashmir Zone, VK Birdi says, " late last evening, security forces had information of terrorist movement in general area tapper... a joint team of the j&k police, army, ssb, and crpf were moving towards their target location when they observed heavy… https://t.co/GU0hqLkKH4 pic.twitter.com/Acbx008e7A
— ANI (@ANI) September 14, 2024
کشمیر زون پولیس نے ٹویٹر پر بارہمولہ انکاؤنٹر سے متعلق جانکاری دیتے ہوئے کہا کہ سکیورٹی فورسز اپنی ڈیوٹی پر ہیں۔ ذرائع کے مطابق جیسے ہی فورسز کی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے فورسز پر فائرنگ کر دی، جس سے فائرنگ کا تبادلہ شروع ہوگیا۔ قابل ذکر ہے کہ ایک سینئر پولیس افسر نے بھی عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔
#Encounter has started at Chak Tapper Kreeri Pattan area of #Baramulla. Police and security forces are on the job. Further details shall follow.@JmuKmrPolice
— Kashmir Zone Police (@KashmirPolice) September 13, 2024
وہیں دوسری طرف کشتواڑ میں بھی تصادم جاری ہے جہاں عسکریت پسندوں کے حملے میں دو فوجی اہلکار ہلاک ہو گئے جب کہ دو مزید اہلکار زخمی ہوئے ہیں۔
واضح رہے کہ حکام نے ہفتہ کو بتایا کہ شمالی کشمیر کے بارہمولہ ضلع میں پٹن کے چک تپر علاقے میں ایک تصادم میں تین عسکریت پسند مارے گئے ہیں۔ حکام کا کہنا ہے کہ کل رات گئے شروع ہونے والے چک تپر تصادم میں اب تک مجموعی طور پر تین عسکریت پسند مارے گئے ہیں۔ فی الحال علاقے میں سرچ آپریشن جاری ہے۔ عسکریت پسند اسکول کی عمارت کے اندر پھنسے ہوئے تھے۔
