گاندربل : سیلف ایمپلائمنٹ سکیموں کی وکالت کرنے کے لیے ایک پلیٹ فارم کے طور پر کام کیا، خاص طور پر مقامی نوجوانوں کو ریشم کی زراعت کے شعبے اور دیگر میں مواقع سے قائدہ اٹھانے پر زور دیا۔ بیداری پیدا کرنے اور فلیگ شپ سرکاری اسکیموں کے وسیع پیمانے پر نفاذ کو یقینی بنانے کے لیے وقف ملک گیر مہم میں سول سوسائٹی کے اراکین اور مقامی لوگوں کی پر جوش شرکت دیکھی گئی۔
تقریب کے دوران ریسورس پرسنز نے مختلف فلاحی اسکیموں کی اہمیت کو اجاگر کیا۔ پردھان منتری جن آروگیہ یوجنا ، پردھان منتری آواس یوجنا کسان کریڈٹ کارڈ جیسی متعدد اسکیموں کے تحت فائدہ اٹھانے والوں کی شاندار کامیابی کی کہانیوں کو دکھانے کے لیے ایک انفارمیشن، ایجوکیشن اور کمیونیکیشن وین کا استعمال کیا گیا۔
اس موقع پر مختلف سرکاری محکموں نے سٹالز لگائے تھے، جس میں ضلع میں فعال طور پر نافذ ہونے والی متعدد اسکیموں اور پروگراموں کی بصری داستان پیش کی گئی تھی۔ ڈائریکٹر سیریکلچر نے ضلع انتظامیہ کے مقامی لوگوں کے افسران کے ساتھ ملک کی ترقی کے تئیں اپنے عزم کا اعادہ کرتے ہوئے وکست بھارت عہد میں سرگرمی سے حصہ لیا۔
یہ بھی پڑھیں:کشمیر میں حب الوطنی پر مبنی کنسرٹ کا اہتمام
پروگرام کو خطاب کرتے ہوئے ڈائریکٹر میریکلچر نے اس بات پر زور دیا کہ اس طرح کے پروگراموں کے پیچھے بنیادی مقصد عوام کو آگاہ کرنا اور زمینی سطح پر سرکاری اسکیموں کی تاثیر کا تجزیہ کرنا ہے۔ انہوں نے مقامی نوجوانوں پر زور دیا کہ وہ پائیدار معاش کے حصول کے لیے امید اور عزم کے ساتھ خود روزگار کی اسکیموں کو قبول کریں۔
