ترال: ڈی ڈی سی کے رکن ڈاکٹر ہربخش سنگھ کی صدارت میں آج ترال کے ناگہ بل اور ماچھامہ علاقوں میں خصوصی گرام سبھا پروگراموں کا اہتمام ہوا۔ اس دوران مختلف سرکاری محکموں کے افسران اور مقامی لوگ موجود تھے۔ گرام سبھا پروگراموں میں مقامی لوگوں نے مطالبہ کیا کہ ان کی ضروریات کے مطابق ترقیاتی کام جلد سے جلد شروع کیے جائیں۔
اس پر ڈی ڈی سی ممبر نے انہیں یقین دلایا کہ ان کی شکایات کا بروقت ازالہ کیا جائے گا۔ تقریب سے خطاب کرتے ہوئے، ڈاکٹر ہربخش سنگھ نے اس طرح کے پروگراموں کی اہمیت پر زور دیتے ہوئے کہا کہ لوگوں کے تال میل سے زمینی سطح پر ترقیاتی منصوبے بنائے جا رہے ہیں۔بعد ازاں انہوں نے چھتروگام کے علاقے کا دورہ کیا اور وہاں بھی عوامی رابطہ پروگرام کی صدارت کی۔
یہ بھی پڑھیں: ترال سب ڈسٹرکٹ سپتال میں بلاک ڈرگ اسٹور کا افتتاح
میڈیا کے ساتھ بات کرتے ہوئے ڈاکٹر ہر بخش سنگھ نے بتایا کہ سرکار کی جانب سے پی آر آئی فنڈس میں پچیس فیصد کمی سے عوامی حلقوں میں ناراضگی پائی جا رہی ہے کیونکہ اسے زمینی سطح پر تعمیر و ترقی کی رفتار کم ہوسکتی ہے۔ اس لیے وقت کی ضرورت ہے کہ اس بارے میں ایل جی انتظامیہ از سر نو غور کریں۔واضح رہے کہ ان دونوں ترال کے مختلف علاقوں میں اگلے مالی سال کے لیے پلان مرتب کیا جا رہا ہے
