بڈگام:مرکز کے زیر انتظام یوٹی جموں ؤ کشمیر کے وسطی ضلع بڈگام میں ترقیاتی کمشنر نے خصوصی میٹنگ کی قیادت کی۔اس موقع پر ڈپٹی کمشنر بڈگام نے پراجیکٹ کے لائف سائیکل میں کارکردگی کی ضرورت پر زور دیتے ہوئے حکام کو کم سے کم وقت میں تخمینہ لگانے اور ٹینڈرنگ کے عمل کو تیز کرنے کی تاکید کی۔
انہوں نے تمام ترقیاتی کاموں کی بروقت تکمیل پر زور دیا تاکہ عوام کو کسی قسم کی تکلیف سے بچایا جا سکے اور دستیاب وسائل کے زیادہ سے زیادہ استعمال کو یقینی بنایا جا سکے۔
ڈی سی نے افسران کو ہدایت کی کہ وہ مقررہ ٹائم لائنز پر سختی سے عمل کریں تاکہ اس بات کو یقینی بنایا جا سکے کہ رواں مالی سال کے لیے بنائے گئے تمام منصوبے مقررہ مدت میں مکمل ہوں۔
یہ بھی پڑھیں:بڈگام کے چاڈورہ میں منعقدہ عوامی دربار پروگرام کی سرمد حفیظ نے صدارت کی
انہوں نے موثر ٹینڈرنگ، فنڈز کے زیادہ سے زیادہ استعمال اور ترقیاتی منصوبوں کی بروقت اور شفاف عمل آوری کی اہمیت پر زور دیا۔یہ جائزہ میٹنگ سینئر افسران بشمول سپرنٹنڈنٹ انجینئر آر اینڈ بی، چیف پلاننگ آفیسر، چیف ایجوکیشن آفیسر، چیف میڈیکل آفیسر، چیف ہارٹیکلچر آفیسر، بی ڈی اوز، تمام ونگز کے ایگزیکٹیو انجینئرز، اے ای ای، جے ای اور میونسپل کمیٹیوں کے ایگزیکٹیو افسران کے ساتھ کیا گیا۔
