بی جے پی نے اننت ناگ-راجوری انتخابات کو ملتوی کرنے کا مطالبہ کیا - Demand to Postponed Election

Anantnag Rajouri Election: بی جے پی نے اننت ناگ-راجوری سیٹ پر ہونے والے انتخاب کو مؤخر کرنے کا مطالبہ کیا ہے۔ جموں و کشمیر یونین ٹیریٹری کے بی جے پی صدر رویندر رینا نے کہا کہ اننت ناگ-راجوری نشست پر انتخابات مؤخر ہونے چاہیے۔ انہوں نے کہا کہ علاقے میں برفباری اور بارش کی وجہ سے عوام اور امیدواروں کو مشکات سامنا ہے۔

سرینگر: نیشنل کانفرنس اور پی ڈی پی کی مخالفت کے باوجود بھی بھارتیہ جنتا پارٹی یہ اصرار کر رہی ہے کہ اننت ناگ-راجوری نشست پر پارلیمانی انتخابات مؤخر کیے جانے چاہییں تاکہ موسم کی خرابی سے انتخابات متاثر نہ ہوپائیں۔ بی جے پی صدر رویندر رینا نے آج سرینگر میں نمائندوں کو بتایا کہ موسم کی خرابی اور برفباری کی وجہ سے مغل روڈ بند ہوا ہے۔ جس سے امیدواروں کو الیکشن مہم چلانے میں مشکلات پیش آرہی ہیں۔
انہوں نے کہا کہ الیکشن کمیشن آف انڈیا نے جموں وکشمیر انتظامیہ کو لکھا ہے کہ حالات کا جائزہ لے کر ان کو ایک مفصل رپورٹ پیش کی جائے۔ انہوں نے کہا کہ ان کو امید ہے کہ جموں وکشمیر انتظامیہ حقیقی رپورٹ پیش کرے گی اور الیکشن کمیشن آف انڈیا انتخابات کی تاریخ پر نظر ثانی کرے گی۔
غور طلب ہے کہ اننت ناگ-راجوری نشست پر 7 مئی کو انتخابات منعقد ہونے جارہے ہیں۔ اس نشست پر نیشنل کانفرنس، پی ڈی پی اور اپنی پارٹی کے امیدار آمنے سامنے ہیں۔ بی جے پی نے اس نشست پر اپنا امیدار کھڑا نہیں کیا ہے اور اپنی پارٹی کے امیداروں کو حمایت کرنے جارہی ہے۔ تاہم نیشنل کانفرنس اور پی ڈی پی نے بی جے پی، اپنی پارٹی اور پیپلز کانفرنس کے اس مطالبہ کی مخالفت کرتے ہوئے کہا کہ اس نشست پر انتخابات متعین تاریخ یعنی 7 مئی کو انتخابات منعقد کرنے چاہییں۔