شوپیان: شوپیان میں واقع سرکیٹ ہاؤس میں منعقدہ بوتھ میٹنگ میں سیکڑوں کی تعداد میں بی جے پی کارکنان نے شرکت کی، جس سے پارٹی کی مقامی سطح پر مضبوطی اور اتحاد کی عکاسی ہوئی۔ اس موقع پر سجاد علی رینہ پربھاری ضلع شوپیاں اور پلوامہ اور عاشق حسین ٹھوکر ڈسٹرکٹ سیکرٹری کے علاؤہ دیگر کہی لیڈران موجود تھے۔
محمد یوسف بٹ نے اس موقع پر اپنے خطاب میں کہا کہ بوتھ لیول پر پارٹی کو مضبوط کرنا وقت کی اہم ضرورت ہے۔ انہوں نے کہا کہ بی جے پی کی کامیابی کا دارومدار اس بات پر ہے کہ پارٹی کا ہر کارکن نچلی سطح پر متحرک ہو اور عوام تک پارٹی کے پیغام کو پہنچائے۔
پروگرام میں موجود کارکنوں نے اپنی عزم و ہمت کا اظہار کرتے ہوئے کہا کہ وہ پارٹی کی ترقی کے لیے ہر ممکن کوشش کریں گے۔ بی جے پی کی مقامی قیادت نے اس موقع پر کارکنوں کی حوصلہ افزائی کی اور انہیں بوتھ لیول پر اپنی سرگرمیاں مزید بڑھانے کی تاکید کی۔
یہ بھی پڑھیں:نیشنل کانفرنس کے قائدین نے بیگم اکبر جہاں کی برسی پر خصوصی دعا کا اہتمام کیا
اس موقع پر پارٹی کے سینئر رہنماؤں نے بھی خطاب کیا اور کارکنوں کو آنے والے انتخابات کی تیاریوں کے حوالے سے رہنمائی فراہم کی۔ پروگرام کے اختتام پر شرکاء نے محمد یوسف بٹ کا شکریہ ادا کیا اور اس عزم کا اظہار کیا کہ وہ پارٹی کی مضبوطی اور ترقی کے لیے ہر ممکن کوشش کریں گے۔
