جموں: بی جے پی نے جموں کشمیر اسمبلی انتخابات کے لیے کشتواڑ ضلع کی تین سیٹوں کے لیے اپنے امیدواروں کا اعلان کیا ہے۔ اس فہرست میں دو پرانے چہروں کے ساتھ ایک نئے امیدوار کو بھی موقع دیا گیا ہے۔ بی جے پی نے کشتواڑ ہاٹ سیٹ سے انیل پریہار کی بھانجی شگن پریہار کو ٹکٹ دیا ہے۔ شگن الیکٹرانک انجینئرنگ میں ایم ٹیک ہیں۔ وہ پہلی بار انتخابی میدان میں اتری ہیں۔ ان کے والد اور چچا کو عسکریت پسندوں نے قتل کر دیا تھا، جس کی وجہ سے یہ نشست ان کے خاندان کے لیے خاص اہمیت رکھتی تھی۔
شگن پریہار کا کہنا ہیں کہ خواتین کو بااختیار بنانے، سیکورٹی اور بے روزگاری کے مسائل کو اٹھیں گی۔ کشتواڑ میں یہ پہلا موقع ہے جب کسی خاتون امیدوار نے الیکشن لڑا ہے۔ بی جے پی نے رامبن سیٹ سے راکیش ٹھاکر اور بانہال سیٹ سے محمد سلیم بھٹ کو ٹکٹ دیا ہے۔ دونوں امیدواروں نے منگل کو کاغذات نامزدگی جمع کی ۔ راکیش ٹھاکر فی الحال رامبن سے ڈی ڈی سی ممبر ہیں۔ جبکہ محمد سلیم بھٹ 15 سال سے بی جے پی سے وابستہ ہیں۔
بی جے پی نے اندروال سیٹ سے ایک بار پھر سابق امیدوار طارق حسین کین کو موقع دیا ہے۔ جنہوں نے 2014 الیکشن میں 10 ہزار سے زائد ووٹ حاصل کیے تھے۔ سابق وزیر اور کشتواڑ کے ایم ایل اے سنیل کمار شرما کو پدر ناگاسینی سیٹ سے ٹکٹ دیا گیا ہے۔
